Elordada Qazaqstan Respublikasy Konstitusiiasynyŋ 25 jyldyǧyna arnalǧan «Ata Zaŋ: «Jetı jarǧydan» Qazaqstan Respublikasy Konstitusiiasynyŋ 25 jyldyǧyna deiın» taqyrybynda onlain jiyn öttı. Oǧan belgılı qūqyqtanuşylar, ǧalymdar, memlekettık qyzmetkerler men ükımettık emes ūiymdardyŋ jetekşılerı, qalamyzdyŋ belsendı jastary qatysty.
Jiynda elımızdıŋ Konstitusiialyq keŋesınıŋ müşesı Rahmet Mūqaşev Ata Zaŋdy äzırleu barysyna şolu jasap, onyŋ älemdegı köp eldıŋ konstitusiialaryn zerdelei kele, elımızdıŋ Konstitusiiasynyŋ negızı retınde Fransiia Konstitusiiasy alynǧanyn aitty. Qazaqstan Respublikasy Prezidentı janyndaǧy Memlekettık basqaru akademiiasy Diplomatiia institutynyŋ professory, elımızdıŋ bırınşı syrtqy ıster ministrı Töleutai Süleimenov Ata Zaŋnyŋ qazırgı qūndylyqtaryna toqtaldy.
«Qazır Qazaqstannyŋ öz zaŋdy şekarasy bar. Şekarasyz täuelsızdık bolmaidy. Bızdıŋ eldıŋ territoriiasynda ornalasqan iadrolyq qarudyŋ arsenalynan öz erkımen bas tartu memleket ekonomikasyna şeteldık investisiialardy tartuǧa mümkındık berdı. Özınıŋ syrtqy saiasatynyŋ qalyptasuy Qazaqstannyŋ älemdık arenada jalpyǧa tanylǧan oiynşyǧa ainaluyna mümkındık berdı» dep atap öttı Töleutai Süleimenov.
Nūr-Sūltan qalasy äkımınıŋ orynbasary Baqtiiar Mäken öz sözınde negızgı zaŋ Qazaqstan halqyna taŋdau qūqyǧyn bergendıgın atap öttı.
«Elbasy Konstitusiianyŋ qoǧam men el ömırındegı erekşe rölın ünemı aityp keledı. Keşe Memleket basşysy atap ötkendei, Konstitusiia bızdıŋ täuelsızdıgımızdıŋ berık qūqyqtyq negızın jasady. Memlekettıŋ joǧary qūndylyqtary adam, onyŋ ömırı, qūqyqtary men bostandyqtary dep jariialandy. Būl qūjatta eldıŋ aumaqtyq tūtastyǧy, qoǧamdyq kelısım, saiasi tūraqtylyq, zaŋnyŋ üstemdıgı jäne demokratiia prinsipterı şoǧyrlandyryldy. Jaŋa astananyŋ damuy bükıl Qazaqstandy tübegeilı özgerttı, ony ekonomikalyq tūrǧydan quatty jäne saiasi tūraqty memleketke, jauapty jäne bedeldı halyqaralyq serıkteske ainaldyrdy. Qazaqstannyŋ astanasy bızdıŋ memleketımızdıŋ täuelsızdık jyldaryndaǧy äleumettık-ekonomikalyq jäne saiasi jetıstıkterın beineleidı, eldıŋ quatyn jäne ony odan ärı damytudyŋ joǧary äleuetın körsetedı» dep qorytyndylady onlain jiynda Baqtiiar Mäken.
