Jylda sary küzben qatar keletın Bılım künı merekesı de jaqyndap qaldy. El boiynşa jaŋa 2020-2021 oqu jylynda orta mektep oquşylarynyŋ jalpy sany 3,3 million balany qūraidy. Elordasy – Nūr-Sūltan qalasynda biyl 202 myŋnan asa oquşyǧa bılım berıledı dep boljanyp otyr. Oqu jyly ädettegıdei 1 qyrküiekte bastalady. Bıraq «Alǧaşqy qoŋyrau» merekesı qazırgı jaǧdaiǧa bailanysty onlain formatta ötedı.
«KEZEKŞI SYNYPTARǦA» 42 MYŊ BALA BARADY
Jaŋa oqu jylynda oquşylar qaşyqtan oqytyla bastaidy. Bıraq bastauyş synyptarǧa «Kezekşı synyptar» ūiymdastyrylady. Būl rette barlyq sanitarlyq şaralar qataŋ saqtalady. Pedagogterdıŋ 30 paiyzǧa juyǧy ştattyq rejimde, onyŋ ışınde kezekşı toptarda sabaq beru üşın jūmysqa şyǧady.
Nūr-Sūltan qalasy Bılım basqarmasynyŋ mälımetınşe, «Kezekşı synyptarda» oquşylar sany 42 myŋǧa juyqtaidy. Būl – qaladaǧy barlyq bastauyş synyp oquşylarynyŋ 50 paiyzy. «Kezekşı synyptardyŋ» jalpy sany – 3002. Qalada biyl bırınşı synypqa baratyn 26 myŋ bala tırkeldı. «Kezekşı synyptarda» oquǧa olardyŋ ata-analarynan 24 myŋǧa juyq ötınış kelıp tüstı. Oqu jylynan bastap balalardy mektepke jıberu, jıbermeu mäselesın ata-analary şeşedı. Oqytudyŋ özı bırneşe topqa bölınedı. Bır synypta oqytylatyn oquşylar sany 15-ten aspaidy. Bır sabaqtyŋ ūzaqtyǧy 40 minut bolady. Künıne 3-4 sabaqtan ötkızıledı.
12 MYŊNAN ASA MŪǦALIM ONLAIN KURSTARDAN ÖTTI
Nūr-Sūltanda 12 myŋnan asa pedagog (mektep, kolledj pedagogtary, balabaqşa tärbieşılerı) qaşyqtan oqytudy ūiymdastyru boiynşa onlain-kurstardan öttı. Balalar, ata-analar jäne balabaqşa qyzmetkerlerı üşın jūmys algoritmderı jasaldy. Barlyq nysandar sanitarlyq talaptarǧa sai daiyndalǧan. Būǧan qosa «Elordalyq elektrondy mektep» elektrondy platformasy äzırlendı. Onda qysqa merzımdı sabaq josparlary, beinesabaqtar, bılım berudıŋ sifrlyq resurstary jäne t.b. ornalastyrylǧan. Bılım berudıŋ barlyq deŋgeilerındegı pedagogtar üşın osy platforma oŋai ärı qoljetımdı bolady.
QAŞYQTAN OQYTUDYŊ JAIY QALAI?
Al orta mektepter qaşyqtan oqytuǧa qanşalyqty daiyn? «Älihan Bökeihan atyndaǧy №76 mektep-liseide qazır 3021 oquşy bolsa, sonyŋ 453-ı «Kezekşı synyptarda» oquǧa niet bıldırıp otyr. Bıraq būl san älı de özgeruı mümkın. Mektebımız «Kezekşı synyptarǧa» balalardy qabyldauǧa da, qaşyqtan oqytuǧa da daiyn. Sanitarlyq şaralar tolyǧymen qamtamasyz etıldı. Sanitaizerler, antiseptikter, türlı bakterialdy sabyndar, qajettı teplovizorlar, tonnel, dezinfeksiialauşy tösenışter satyp alyndy. Betperdeler, qolǧaptar qajet mölşerde bar. Kezekşı toptaǧy oquşylar sany 15-ten aspauy kerek. Osyǧan sai mektebımızdegı synyptar da laiyqtalyp daiyndaldy» deidı mektep direktory Safura Tölekova.
Onyŋ aituynşa, oquşylar 15 minuttyq aralyqpen mektepke kıredı. Iаǧni, taŋerteŋ 08.00-de bır synyptyŋ 15 oquşysy qabyldansa, kelesı synyp 15 minuttan keiın kırgızıledı. Sol siiaqty sabaqtardyŋ arasyndaǧy üzılıster är synypqa ärtürlı uaqytpen belgılenedı. Būl oquşylardyŋ bır jerge şoǧyrlanbauy üşın maŋyzdy, jalpy qauıpsızdık maqsatynda jasaldy.
Kezekşı synyptarǧa mūǧalımderdı ırıkteude de özındık talaptary bar. Eŋ aldymen, ūstazdyŋ kelısımı maŋyzdy. Odan keiın mūǧalımnıŋ jasyna köŋıl bölınedı. Ülken jastaǧy nemese sozylmaly aurulary bar, därıgerlık esepte tūrǧan kısıler sabaq beruge şaqyrylmaidy. Al oqu jyly qaşyqtan ötkızılgenıne qaramastan ūstazdardyŋ jalaqysy sol küiı saqtalady.
– Mektebımızdegı barlyq pedagogtar jyl saiynǧy medisinalyq tekserısten öttı. Sonyŋ negızınde rūqsat etılgen mamandar ǧana mektepte jūmys ısteidı. Būǧan qosa, mektep ışınde «Kezekşı synyptar» bolǧan uaqytta eresek adamdar sanyn meiılınşe azaitamyz. Tek osy synyptardyŋ pedagogtary, tazalyq jūmysyn jürgızetın qyzmetkerler, balalardyŋ qauıpsızdıgıne arnaiy būiryqpen bekıtılgen mamandar ǧana qyzmet etedı, – deidı mektep direktory.
OQULYQPEN QAMTU – 100 PAIYZ
Bır synypta bır mūǧalım jūmys ısteu qaǧidaty saqtalady. Al oqu josparyndaǧy barlyq pänder mektepte oqytylmaidy. «Kezekşı synyptarda» negızgı pänderdıŋ sabaǧy ǧana ötedı. Qalǧan pänder onlain formatta qaşyqtan jürgızıledı.
Elordada jaŋa oqu jylyna balalardy oqulyqtarmen qamtu 100 paiyzdy qūraidy. Barlyq oqulyqtar Bılım jäne ǧylym ministrlıgı bekıtken tızımge säikes keledı. Qazırgı künı barlyq baspadan oqulyqtar jetkızıldı. 1-5-synyp pen 10-11-synyp oquşylaryna kıtaptar tolyǧymen berıldı.
«BILIM LAND» PLATFORMASYNDA OQİDY
Keşe jaŋa oqu jylynyŋ bastaluyna orai ūiymdastyrylǧan baspasöz mäslihatynda Nūr-Sūltan qalasy Bılım basqarmasynyŋ basşysy Şolpan Qadyrova mektepterdıŋ aldaǧy oqu jylynda qandai platformalarmen qaşyqtan oqitynyn baiandady.
– Barlyq mektepterde «Bılım LAND» platformasyn paidalanuǧa kelısımşart jasaldy. Elordanyŋ 40 mektebınde «Daryn onlain» platformalary qoldanylady. Al baǧalau jüiesı özımızdıŋ dästürlı «Kündelık» elektrondy jurnaly arqyly jürgızıledı. 30 tamyzdan bastap oquşylar men mūǧalımderdıŋ bärıne osy platformalar qoljetımdı bolady. Login, paroldary belgılenıp, taratyldy, – deidı basqarma basşysy.
BİYL 13 MEKTEP PAIDALANUǦA BERILEDI
Biyl elordada byltyrǧymen salystyrǧanda ekı ese köp mektep paidalanuǧa berıledı. Bılım basqarmasy basşysynyŋ mälımdeuınşe, jyl soŋyna deiın 13 orta bılım beru nysanyn paidalanuǧa beru josparlanuda. Sonyŋ ışınde 7 mektep pen 6 mekteptıŋ qosymşa ǧimaraty bar. Jaŋa oqu jylynyŋ basynda 3 mektep pen 2 qosymşa ǧimarat paidalanuǧa berıledı. Qalǧan bılım beru nysandary jyl soŋyna deiın aiaqtalady dep josparlanyp otyr.
İNKLIýZİVTI BILIMMEN QAMTU ARTADY
Bas qalada inkliuzivtı bılımge de erekşe köŋıl bölıngen. Eger byltyr inkliuzivtı bılımmen qamtu 80 paiyz bolsa, biyl būl körsetkıştı 100 paiyzǧa jetkızu josparlanyp otyr. Tūŋǧyş Prezident – Elbasy qorynyŋ bastamasymen ekı jaŋa mekteptıŋ negızınde 1 qyrküiekke deiın 30 oryndyq 2 inkliuzivtı qoldau bölmelerı aşylady. Şıldeden bastap «Asyl miras» kabinetı jūmys ıstei bastady. Onda halyqaralyq sertifikatqa ie jäne zamanui ädıstemelerdı meŋgergen mamandar jūmys ısteidı. Qyrküiek aiynda ziiatkerlık qabıletı tömen 100 balaǧa arnalǧan №3 arnaiy mektep, küzde köru qabıletı naşar balalarǧa arnalǧan balabaqşa paidalanuǧa berıledı.
Jaŋa oqu jylynda elorda mektepterınde qosymşa bılım berudıŋ 8 filialy jäne taǧy 2 qoǧamdyq ortalyq aşylady. Jaŋa mektepterdıŋ bırınşı qabatynda balalarǧa arnalǧan şaǧyn ortalyqtar, oŋaltu ortalyqtary, balabaqşalar, medisinalyq kabinetter siiaqty äleumettık nysandar jūmys ıstei bastaidy.
ŪSTAZDARDYŊ ÄLEUMETTIK JAǦDAIY JAQSARADY
Ūstazdardyŋ äleumettık jaǧdaiy da nazardan tys qalmaǧan. Byltyr qala äkımdıgı tarapynan mūǧalımder tūrǧyn üi satyp alu üşın äleumettık järdemaqy türınde 1 million teŋge somasyna öteusız negızde 275 tūrǧyn üi sertifikaty bölındı. Osy jyly da mūǧalımderdıŋ tūrǧyn üi jaǧda-iyn jaqsartuǧa kömek berıledı.
Atap aitqanda, biyl «Qazaqstandyq ipotekalyq ūiymmen» 1 myŋ äleumettık päter beru turaly kelısımge qol qoiyldy. Būl baspanaǧa mūǧalımderden basqa medisina qyzmetkerlerı, poliseiler, äleumettık qyzmetkerler, mädeniet jäne sport qyzmetkerlerı de ümıtker bola alady. Byltyr jūmysyn endı bastaǧan mūǧalımderdı qoldau maqsatynda 350 oryndyq jas pedagogtar üiı salyndy.
Qala äkımdıgı mūǧalımderdıŋ käsıbi damuyna ünemı köŋıl böledı. Atap aitqanda, «Ozat» jobasyn ıske asyru aiasynda mektepter men kolledjderdıŋ 400 mūǧalımı RIЅA tapsyrmalaryna bılım aluşylardy daiarlau boiynşa bılıktılıktı arttyru kurstarynda oqudan öttı. Kembridj universitetımen bırlesıp SHARE jobasy ıske qosyldy. Sonyŋ ışınde mūǧalımder bırlesıp zertteuler jürgızedı, aqparat almasady, bılıktılıgın köteru boiynşa basqa da jūmystar qarastyrylǧan.
