Keşe Elbasy Nūrsūltan Nazarbaev Astanadaǧy Täuelsızdık saraiynda ötken şeteldık investorlar keŋesınıŋ 31-plenarlyq otyrysyna qatysty.
Memleket basşysy basqosuda söilegen sözınde Şeteldık investorlar keŋesınıŋ Qazaqstandaǧy biznes ahualdy jaqsartuǧa jäne ūlttyq ekonomikany qoldauǧa baǧyttalǧan jūmystarynyŋ nätijelerıne toqtaldy. Nūrsūltan Nazarbaev Şeteldık investorlar keŋesınıŋ plenarlyq otyrysyna qatysuşylardyŋ baiandamalaryn tyŋdaǧan soŋ, jahandyq syn-qaterler jaǧdaiynda ūlttyq ekonomikanyŋ tūraqtylyǧyn qamtamasyz etu üşın Qazaqstannyŋ atqaryp jatqan şaralary jönınde aitty.
Prezident eldıŋ odan ärı jaŋǧyruy men bäsekege qabılettılıgın arttyru üşın atqarylatyn jūmystyŋ bırneşe baǧytyn atap körsettı. – Bırınşı. Būl – retteuşı ortany jaqsartu. Jer qoinauy jäne jer qoinauyn paidalanu turaly kodeks, Salyq jäne Keden kodeksterı siiaqty jaŋa qūjattar küşıne endı. Käsıpkerlıktı retteu mäselelerı jönındegı zaŋnamalyq tüzetuler toptamasy qabyldandy. Barlyq baǧyttar boiynşa Ekonomikalyq yntymaqtastyq jäne damu ūiymynyŋ standarttary engızılude, – dedı Memleket basşysy.
Qazaqstan Prezidentı qūqyq üstemdıgın qamtamasyz etuge jäne memlekettık basqaru ısınıŋ sapasyna erekşe nazar audaru qajettıgın atap öttı. – Ekınşı. Būl – ekonomikany diversifikasiialau jäne jaŋa tehnologiialardy engızu. Elımız boiynşa industriialandyru aiasynda 1200-den astam jaŋa käsıporyn ıske qosyldy, – dedı Nūrsūltan Nazarbaev.
Sondai-aq Elbasy üşınşı basym baǧyt retınde infraqūrylymdy jaŋǧyrtu qajettıgın atap öttı. – Bız Euraziialyq multimodaldı kölık-tranzit habyn qalyptastyrudamyz. Jüzege asyrylyp jatqan «Nūrly jol» infraqūrylymdyq baǧdarlamasy euraziialyq integrasiiany küşeituge jäne Qytaidyŋ «Bır beldeu, bır jol» bastamasymen ūştasuǧa baǧyttalǧan. 5 şıldede «Astana» halyqaralyq qarjy ortalyǧynyŋ tanystyrylymy bolady. Būl ortalyq Qazaqstannyŋ qarjy infraqūrylymynyŋ özegıne jäne bükıl Ortalyq Aziia öŋırınıŋ habyna ainaluǧa tiıs, – dedı Nūrsūltan Nazarbaev. Memleket basşysy el kölemındegı jäne öŋırlerdegı ekonomika salalaryn sifrlandyru üderısıne keŋınen toqtaldy. – Törtınşı. Būl – sifrlandyru. Bız «Sifrlyq Qazaqstan» memlekettık baǧdarlamasyn jüzege asyrudy bastadyq. Sifrlyq tehnologiiany agroönerkäsıp keşenıne, kölık jäne basqa da negızgı salalardaǧy käsıporyndarymyzǧa engızu qajet, – dedı Qazaqstan Prezidentı.
– Besınşı. Būl – adami kapitaldy damytu. Bılım beru jüiesı ekonomikany jaŋǧyrtu men sifrlandyrudy eskere otyryp transformasiialanuy qajet. Osyǧan orai kelesı otyrysymyzdyŋ taqyryby retınde «Adami kapitaldy damytu» mäselesın ūsynamyn, – dedı Memleket basşysy. Elbasy sözınıŋ soŋynda Qazaqstan ekonomikasyn jaŋǧyrtu üşın bırlese tiımdı jūmys jürgızudıŋ maŋyzdy ekenın atap öttı.
