Būqar jyrau köşesınen Husein ben Talal köşesıne deiıngı uchaske ışınara jabylady, dep habarlaidy astana-akshamy.kz
Tūran daŋǧylynyŋ jol tösemıne ortaşa jöndeu jūmystary jürgızılıp jatqanyna bailanysty 22-26 säuır aralyǧynda Tūran daŋǧylynyŋ Būqar jyrau köşesınen bastap Husein ben Talal köşesıne deiıngı uchaskesı ışınara jabylady. Būl rette atalǧan uchaskede avtokölık qūraldarynyŋ qozǧalysy bır baǧytta (äuejaidan qalaǧa qarai) jüzege asyrylady.
Būǧan deiın habarlanǧandai, jol tösemınıŋ ortaşa jöndeu jūmystary Tūran daŋǧyly boiynşa Kerei Jänıbek handar köşesınen Jūldyz ainalymyna deiıngı uchaskede jürgızıledı (2023 jyly Tūran daŋǧyly boiynşa «Tūlpar» köpırınen Saraişyq köşesıne deiıngı uchaskede jol jūmystary jürgızılgen). Jūmystar uchaskelerdıŋ toqsan saiyn jabyluymen kezeŋ-kezeŋmen jürgızıletın bolady.
Jöndeu jūmystaryn jürgızu kezeŋınde qalalyq qoǧamdyq kölık marşruttarynyŋ qozǧalys syzbalary özgertıletın bolady. Būl turaly «City Transportation Systems» JŞS resmi saitynda cts.gov.kz jäne Facebook pen Instagram äleumettık jelılerınde tanysuǧa bolady.
«Elorda tūrǧyndary men qonaqtarynan qala joldaryndaǧy keptelısterdı boldyrmau maqsatynda öz marşruttaryn aldyn ala josparlaudy sūraimyz. Uaqytşa qolaisyzdyqtar üşın keşırım ötınemız jäne jol-qūrylys jūmystaryn jürgızuge tüsınıstıkpen qaraudy sūraimyz», – delıngen habarlamada.
