Жарқын болашаққа сенеміз
– Осыдан тура бір жыл бұрын елімізде мемлекеттік билікке қарсы жаппай наразылықтар болып, салдарынан төтенше жағдай енгізіліп, қаншама адам қаза тапты. Қиын-қыстау күндерді бастан өткердік, 2022 жылғы қаңтар бәріміз үшін сынақ кезеңі болды.
Елордада Мәжілістің жалпы отырысы қаңтар оқиғасында қаза тапқандарды бір минут үнсіздікпен еске алумен басталды… Жиында заңсыздық пен бей-берекетсіздік елдігімізге қауіп төндіргені, Президенттің шешуші іс-әрекетінің арқасында мемлекеттік төңкеріс жасамақ болғандардың арам пиғылы сәтсіз аяқталғаны айтылды. Мемлекет басшысының ұтымды шешімінің нәтижесінде жағдайды тұрақтандыра алдық.
Көп нәрсе өзгерді, бұрынғы үкімет отставкаға кетті. Президент Қ.Тоқаев құрған жаңа Үкімет елдегі жағдайды тез арада қалпына келтіруге және бұрынғы өмір салтымызға қайта оралуға бар күш-жігерін салды…
Біз Президентімізге толық сенім артамыз және еліміздің жарқын болашағына сенеміз! Бейбіт заманда еліміз гүлдеп, жайнап, дамып келеді, халықтың әл-ауқаты жыл сайын артуда! Біз әлем тыныштығын жақтаймыз!
Салтанат ҚАЛЕЕВА,
Астана қаласындағы «Ерекше аналар» қоғамдық қорының төрайымы