باس قالانىڭ بەدەلى

حالىقارالىق Moodys Investors Service رەيتينگتىك اگەنتتىگى استانا رەيتينگىن حالىقارالىق مەجە بويىنشا شەتەلدىك جانە ۇلتتىق ۆاليۋتادا 2012 جىلدىڭ قورىتىندىسى بويىنشا, «تۇراقتى» بولجامىمەن ۆاا3 دەڭگەيىندە بەكىتتى. اتالعان رەيتينگ «ينۆەستيتسيالىق» ساناتىنا جاتادى جانە بارسەلونا, ستامبۋل, مادريد, ريگا سياقتى قالالارمەن ءبىر دەڭگەيدە, ال ميلان قالاسىنان ءبىر ساتى تومەن تۇر. بايقالعان تەندەنتسيالار نەگىزىندە جەكەلەگەن ەلدەر مەن الەم قالالارىنىڭ كرەديتتىك رەيتينگتەرىنىڭ تومەندەۋى استانا قالاسىنىڭ الەۋمەتتىك-ەكونوميكالىق جاعدايى مەن قارجى-كرەديتتىك جاعدايىنىڭ كورسەتكىشتەرى قالانى Moodys كەستەسى رەيتينگىندە ۇستاپ تۇرۋعا مۇمكىندىك تۋعىزدى. قالا رەيتينگى وپەراتسيالىق بالانس پەن قارجى زارۋلىگىنىڭ تۇراقتى تومەندەۋ كورسەتكىشتەرىنىڭ جاقسارۋىمەن تۇسىندىرىلەدى. قالا بيۋدجەتىنىڭ جەكە تابىستارى, قالا ەكونوميكاسىنىڭ قارقىندى دامۋى مەن ديۆەرسيفيكاتسيالانۋىنا نەگىزدەلگەن. قارىز بەرەشەگىنىڭ ازدىعى دا قالا رەيتينگىنىڭ جوعارى باعا الۋىنا اسەر ەتۋشى ماڭىزدى وڭ فاكتورلار بولىپ تابىلادى. استاناعا بەرىلگەن رەيتينگ قازاقستان رەسپۋبليكاسىنا بەرىلگەن ۆاا2 رەيتينگتەن تەك ءبىر ساتى عانا تومەن.