ريو-دە-جانەيرودا ءحححى جازعى وليمپيادا ويىندارىنىڭ الاۋى تۇتاندى. الەمنىڭ 207 ەلىنەن كەلگەن ۇزدىك سپورتشىلار جۇلدەلەر ءۇشىن سايىسقا كىرىستى.
ءدۇبىرلى دودانى اسىعا كۇتكەن قازاقستان جانكۇيەرلەرى الدىمەن بالۋاندار مەن بوكسشىلاردىڭ ونەرىن تاماشالايتىن بولادى.
قازاقستان قۇراماسى اتىنان ءبىرىنشى بولىپ دزيۋدوشى ەلدوس سمەتوۆ سىنعا تۇسەدى. 2015 جىلعى الەم چەمپيونى العاشقى بەلدەسۋىندە ليۆيالىق موحاماد ەلحاديمەن كەزدەسەدى. سونداي-اق 48 كەلىدە وتگونتسەتسەگ گالبادراح تا بۇگىن باعىن سىنايدى. بوكسشىلاردان ءبىرىنشى بولىپ ريو-دە-جانەيرونىڭ شارشى الاڭىنا بەرىك ابدراحمانوۆ شىعادى. ونىڭ قارسىلاسى – امەريكالىق كارلوس بالدەراس.
قازاقستان ۇكىمەتى وليمپيادا جۇلدەگەرلەرىنە سىياقى تاعايىندادى. التىن جۇلدەگەر – 250 000, كۇمىس جۇلدەگەر – 150 000, قولا جۇلدەگەر – 75 000 اقش دوللارى كولەمىندە سىياقى الاتىن بولادى.
سونىمەن, تورتكۇل دۇنيە كوز تىككەن وليمپيادا ويىندارى باستالدى!
ريو-دە-جانەيرو تورىندە قازاقستاننىڭ كوك تۋى جەلبىرەپ, ءانۇرانى اسقاقتايتىن جەڭىستى ءساتتەردى كۇتەمىز!
