АСТАНА
27 қыркүйек күні Қосшы кентінде Еуропадағы қауіпсіздік және ынтымақтастық ұйымының адамдарды құтқару бойынша арнайы оқу-жаттығу операциясы өтеді. Елімізде алғаш рет өтетін бұл шараға кәсіби актерлер қатыстырылмақ.
КӨКШЕТАУ
Ақмола облысы бойынша Мемлекеттік қызмет істері және сыбайлас жемқорлыққа қарсы іс-қимыл департаменті мен облыстық жастар саясаты мәселелері басқармасы бірлесіп мемлекеттік қызмет мектебін ашты.
АТЫРАУ ОБЛЫСЫ
Каспий теңізінде әлемдегі ең үлкен кран жасалды. 3500 тоннаға дейін жүк көтере алатын кран сондағы мұнай өңдеу зауыты салынып жатқан құрылыс алаңында жиналған. Кранның салмағы – 600 тонна, оны жинау үшін 7 кран жұмыс істепті.
ЖАМБЫЛ ОБЛЫСЫ
Жамбыл облысында туризмді дамытуға 250 млн теңге бөлінді. Қазір құны 5,4 млрд теңгені құрайтын бірқатар нысандар құрылысы басталған. Оның ішінде 5 қонақүй, 5 мейрамхана, 2 киіз үй қалашығы және тау-шаңғы базасы бар.
ҚОСТАНАЙ ОБЛЫСЫ
Облыс орталығында тұратын Ерасыл Болысбек есімді он төрт жасар бала рубик текшесін аяқпен жинау бойынша Қазақстанның ұлттық рекордын орнатты.
ПАВЛОДАР ОБЛЫСЫ
Екібастұз қаласындағы көп профильді бағыттағы №24 мектеп-гимназиясында жаңа STEM-зертханасы ашылды. Мұнда оқу инженерия, бағдарлама, робототехника, 3D-модельдеу секілді төрт бағытта жүргізіледі.
АҚТӨБЕ
Қалада қазақтың батыр қызы Әлия Молдағұлованың есімі берілген көпір ашылды. Бұл көпір бұқара халықтың өтініші бойынша қолға алынған. Құрылыс жұмыстарына жергілікті бюджеттен 1,2 миллиард теңге жұмсалған.
ТҮРКІСТАН ОБЛЫСЫ
Биылғы жылдың 8 айында Түркістан облысына 900 мыңға жуық турист келген. Оның 32 мыңы алыс-жақын шетелден келген саяхатшылар болды.
