Ардақты аналар! Аяулы апа-қарындастар!
Сіздерді 8 наурыз – Әйелдердің халықаралық мерекесімен шын жүректен құттықтаймын!
Көктем гүлімен, отбасы ана нұрымен көркем. Ақ пейілімен ажарланып, көңіл көркімен көріктенген асыл аналарымыздың мерекесін ел-жұрт ерекше қуанышпен қарсы алады. Өйткені әйел қуанышы – әр үйдің, отбасының, тіпті ортақ Отанымыздың мерейі.
Әйел-ана – барлық қиындықты жеңетін сарқылмайтын күш, тірліктің қайнар бұлағы. Бүгінде қазақ қыздары қоғамның барлық саласына да еркін араласып, тамаша табыстарға қол жеткiзiп келедi. Бұл – біз үшін, ерлер қауымы үшін үлкен мақтаныш, биік мәртебе. Өздеріңіздей өмірде – нәзік, көңілде – биік, ал істе мығым аналарымыз аман болсын!
Жүректеріңіз әрдайым жылулыққа, бойларыңыз сұлулыққа толы болсын. Сіздерге зор денсаулық, аяулы ана бақытын тілеймін!
Әсет ИСЕКЕШЕВ,
Астана қаласының әкімі
