Elordada Halyqaralyq äielder künıne arnalǧan «Älemnıŋ jaryǧy» atty merekelık konsertı öttı. Nūr-Sūltan qalasy äkımdıgınıŋ qoldauymen ötken merekelık şaraǧa aq halatty abzal jandar, ūstazdar, köpbalaly analar men ardagerler qauymy şaqyryldy.
Merekelık şaraǧa qala äkımı Altai Kölgınov qatysty. Kelgen qonaqtardy qūttyqtai otyryp, öz tılegın aitty.
– Būl – otbasylyq mereke. Arnaiy sızder üşın osy şarany ūiymdastyryp otyrmyz. Prezidentımız Qasym-Jomart Kemelūly qazırgı baǧytymyzdy – «Jaŋa Qazaqstandy» qūruǧa jūmystanuda. Qazır älemdık därejede türlı synaqtar bolyp jatyr. Ärbır synaqtan bız bırlıkpen ǧana öte alamyz. Yntymaq bar jerde yrys bar. Sondyqtan elımızde bırlık bolsa, täuelsız Qazaqstan dami bererı sözsız.
Nūr-Sūltan qalasynyŋ alǧaşqy jyldarynda 200 myŋnan astam ǧana halyq qonystanǧan edı. Qazır 1 mln 200 myŋnan astam tūrǧyn bar. Mūnyŋ özı – bız üşın ülken jetıstık. Statistikany qarasaq, qalamyzda näzık jandylardyŋ tigızıp jürgen paidasy ūşan-teŋız. Mysaly, elordada 20 myŋ därıger, 16 myŋ pedagog, 100 mektep direktory, 17 bas därıger bolyp arularymyz qyzmet etıp otyr. Älemdı sūlulyq qūtqarady. Sızder ädemılıktıŋ simvolysyzdar. Ärqaşan osylai qūlpyryp, jainai berıŋızder!» dep qūttyqtady qala äkımı.
Keşke änşıler men teatr ärtısterı qatysty. Atap aitqanda, Tamara Asar, Rüstem Nūrjıgıt, Tūrsynbek Qabatov, Ruhiia Baidükenova, İgor Blagodarnyi, Albina Oganesian önerlerın körsettı. Konsert şymyldyǧyn estradalyq-simfoniialyq orkestrı Şämşı Qaldaiaqovtyŋ änderınıŋ uvertiurasymen aşty. «Jastar» teatrynyŋ önerpazdary «Anaǧa arnau» poppuriın oryndady. Tamara Asar men Qūrmaş Mahan halyq änı «Közıŋnıŋ möldırın-ai» änın äuelete şyrqady. Äzılkeş Tūrsynbek Qabatov äielderdıŋ mereiın asqaqtatyp, äzılın aitsa, halyq aspaptarymen «Aqqu» küiı oryndaldy. Önerpazdar Nūr-Sūltan qalasy äkımdıgınıŋ estradalyq-simfoniialyq orkestrınıŋ süiemeldeuımen tabiǧi dauysta än saldy.
Keşke qūrmettı qonaq retınde qoǧam qairatkerı Orazkül Asanǧazy da qatysty. Arular men näzık jandylarǧa arnaiy qūttyqtau tılegın bıldırdı.
– Köktemnıŋ alǧaşqy merekesınde osyndai keremet keştıŋ kuäsı bolyp otyrmyz. Tabiǧattyŋ özı ananyŋ meiırındei erıp, jaimaşuaq bolyp jatyr. Barlyq kesel-kesapat ötken jylmen ketıp, jaŋa jylymyz analarymyz üşın tynyştyq jyly bolsyn! Ananyŋ köŋılı tynyş bolsa, el ışınde jūmaq bolady. Ärbır qyz özınıŋ üiın jūmaqqa ainaldyrsyn! – dedı qoǧam qairatkerı.
Köpbalaly ana Jannat Kachaganova da merekelık şaranyŋ qonaǧy. Şaraǧa elordadaǧy köpbalaly ana retınde şaqyrylǧan.
– Bes balanyŋ anasymyn. Osy merekelık şaraǧa şaqyryp, arnaiy qūrmettep şaqyrǧany üşın rizamyn. Qazır nemerelerımdı baǧyp otyrǧan aiauly äjemın. Elımızde beibıt zaman bolsyn! – dep tılegın bıldırdı.
Şaraǧa kelgen ärbır qyz-kelınşekke gül şoqtary berılıp, qūttyqtau aityldy. Konsertte anaǧa arnalǧan änder şyrqalyp, jyr oqyldy.
Aizada JAIYQQYZY
