Käuken Kenjetaev librettosyn jazǧan Erkeǧali Rahmadievtıŋ «Alpamys» qiial-ǧajaiyp operasy «Astana Opera» teatrynyŋ Ülken zalynda körsetıldı, dep habarlaidy astana-akshamy.kz
Körermenge ūlttyq epikalyq qaharman Alpamys batyrdyŋ operalyq siujetı ǧana emes, sonymen qatar qazaq halqynyŋ baqyt, bostandyq üşın küresın, tuǧan jerge degen mahabbatyn därıpteitın şyǧarmanyŋ muzykalyq dramaturgiiasy da anyq baiandaldy.
Operanyŋ muzykalyq süiemeldeuı halyq änderınen tūrady. Jaǧymsyz keiıpkerlerdı suretteitın, beinelı-mazmūndy vokaldyq partiialar da oryndaldy.
Spektakldı Qazaqstan Respublikasy Memlekettık syilyǧynyŋ laureaty, Resei Halyq ärtısı, ataqty rejisser Iýrii Aleksandrov qoidy. Muzykalyq jetekşı jäne qoiuşy-dirijer – Qazaqstannyŋ eŋbek sıŋırgen qairatkerı Abzal Mūhitdin.
Aita keteiık, «Astana Opera» repertuarynda ūlttyq spektaklderdıŋ orny bölek jäne erekşe sūranysqa ie. Sol sebeptı jyl saiyn qazaq halqynyŋ tarihy men dästürı baiandalatyn muzykalyq şyǧarmalar sany artyp keledı.
