Astana qalasy älemdegı «TOP – 21» aqyldy qalalar tızımıne engenı belgılı. Endı bas şahar «aqyldy» adymyn būdan da keŋeitıp, innovasiialyq jobalarǧa airyqşa den qoimaq. Būl turaly Nazarbaev universitetınde ötken «Tech Garden Summer FEST» tehnologiialyq festivalı aiasyndaǧy «Aqyldy industriia» jobalarynyŋ tūsaukeserınde Astana qalasynyŋ äkımı Äset İsekeşev aitty. Sondai-aq, mūnda «Startup Kazakhstan» halyqaralyq baǧdarlamasy köpşılık nazaryna ūsynyldy.
– Astanalyq äkımdık jūmysynyŋ basym baǧyttarynyŋ bırı – innovasiiany damytu. Menıŋ ministrlıkte jinaqtaǧan täjıribem osy baǧyttaǧy jūmystardyŋ oidaǧydai jüzege asuyna septesetın bolady, – dep bastady sözın Äset Örentaiūly saltanatty şarada. – Elımızdıŋ bas qalasy künnen künge qaryştap damyp keledı. Astana – öte aşyq qala, tek ekonomikasy ǧana emes, äleumettık-mädeni ömırı de joǧary deŋgeide qalyptasqan. Astanalyqtardyŋ sana-sezımı de biık. Sondyqtan, innovasiiany basym baǧytqa ainaldyru öte maŋyzdy. Astana būǧan qosa, kreativtı qala boluy tiıs. Ol elımızdıŋ jaŋa ekonomikasyna jol aşady. Menıŋ oiymşa, «Startup Kazakhstan» halyqaralyq baǧdarlamasy barlyq ǧalymdarǧa, studentterge, jas käsıpkerlerge özderınıŋ jaŋa biznesın bastauǧa mümkındık beredı. Startap-biznes – bız üşın maŋyzdy salada, qala ömırın jaqsartuda aitarlyqtai serpın beretını anyq. Būl ainalyp kelgende bılım, transporttyq mäselelerdıŋ şeşımı, ekologiia, sapaly qyzmet, elektrondy kommersiia, bylaişa aitqanda, negızgı basym baǧyttar.
Bız osy sūranys pen qyzyǧuşylyqtardy ünemı qoldaityn bolamyz.
Qala äkımı öz sözınde jaqyn arada Nazarbaev universitetı, Bılım jäne ǧylym ministrlıgı men İnvestisiia jäne damu ministrlıgı «aqyldy qala» qūru aiasynda özderınıŋ bırlesken baǧdarlamasyn jariialaitynyn atap öttı. Elorda basşysy Smart sity qūruda jas ǧalymdarǧa, injenerler men käsıpkerlerge airyqşa ümıt artyp otyrǧanyn da jetkızdı. Onyŋ aituynşa, būdan bylai startaptar baiqauy Astanada tūraqty türde jylyna bırneşe ret ötkızılıp tūrmaq.
Festival aiasynda halyqaralyq jäne qazaqstandyq sarapşylar startaptardy tabysty damytu boiynşa arnaiy şeberlık därısterın ötkızdı. Osy şara barysynda «Aqyldy industriia» innovasiialyq jobalardyŋ da tūsauy kesılgen bolatyn. Sonyŋ ışınde tasymaldanatyn şatyrly qondyrǧylar, vagon-sisterndı jylytu jüielerı, tasymaldanuşy mūnai önımderı, malşylarǧa arnalǧan quaty 1 kVt diffuzory bar köşırıletın jel qondyrǧylary jäne energiia tūtynudy 40 paiyzǧa tömendetetın qazandyqpen bırge jasalǧan gelioqondyrǧylar siiaqty jobalar köpşılıktıŋ qyzyǧuşylyǧyn tuǧyzdy.
Şara soŋynda «İnnovasiialyq tehnologiialar parkı» avtonomdy klasterlık qory men «NURIS» JŞS arasynda memorandumǧa qol qoiyldy.
Meŋdolla ŞAMŪRATOV
