«Burabai» memlekettık ūlttyq tabiǧi saiabaǧynyŋ qyzmetı turaly sūhbat
Sūhbat barysynda Nūrsūltan Nazarbaev turizm salasynyŋ qazırgı ahualy turaly äŋgımelep, Burabai kurorttyq aimaǧyn odan ärı damytu jönındegı oilaryn bölıstı jäne barşa qazaqstandyqtardy elımızdıŋ tabiǧi jauharlaryn saqtau ısıne zor köŋıl böluge şaqyrdy.
Memleket basşysy Qazaqstannyŋ tabiǧi körıktı jerlerınıŋ ışınde Burabaidyŋ airyqşa oryn alatynyna nazar audardy.
– Elımızde turizm men demalys üşın türlı baǧyttar köptep sanalady. Almatynyŋ maŋynda – Alatau taulary, ǧajaiyp Kölsai, oŋtüstık Qazaqstanda – Aqsu-Jabaǧyly tabiǧi qoryǧy, respublikanyŋ batysynda – Şalqar kölı, Kaspii teŋızı, Qaraǧandy oblysynda – Qarqaraly, Pavlodar oblysynda – Baianauyl. Är öŋırdıŋ özındık körıktı oryndary bar, solardyŋ bırı Burabai – Qazaqstannyŋ «marjany». Mūnda bolǧanda än aitpau, şabyttanbau mümkın emes. Burabaidyŋ sūlulyǧyn halqymyz ejelden-aq jyrǧa qosqany beker emes. Mysaly, aqyn Bırjan saldyŋ mynadai jyr joldary bar: «Jer şoqtyǧy – Kökşetau, bauyryŋ tolǧan baqşa bau, töŋıregıŋ seksen köl, iısıŋ jūpar aŋqidy-au». Men būl öŋırge kelıp jürgenıme 25 jyldan assa da älı tamsanamyn. Qazır bızdıŋ basty maqsatymyz – kurorttyq aimaqty onyŋ tazalyǧy men tūmsa tabiǧatyn saqtai otyryp damytu, tanymal etu, – dedı Qazaqstan Prezidentı.
Nūrsūltan Nazarbaev sondai-aq Täuelsızdık jyldarynda kurorttyq aimaq infraqūrylymynyŋ aitarlyqtai jaqsarǧanyna toqtala kele, qazırgı kezde ūlttyq saiabaq Prezidenttıŋ ıs basqarmasynyŋ qarauynda ekenın atap öttı.
– Būryndary barlyq auyz su jergılıktı kölderden alynǧan bolatyn, sondyqtan ondaǧy su deŋgeiı tömendei bastady. Sol sebeptı Sergeev su qoimasynan su qūbyryn jürgızu mındetı qoiyldy. Qazır kölderden su tartu toqtatylyp, su deŋgeiı qalpyna keldı. Ekınşı mındet – öŋırdıŋ ǧajap tabiǧatyn lastamas üşın ortalyqtandyrylǧan jylu berumen qamtamasyz etu. Osy maqsatta jylu elektr ortalyǧy salynuda. Bızdıŋ aldymyzda tūrǧan üşınşı mındet – su qoimalary men ormandardy lastanudan saqtaityn tazartu qūrylǧylaryn ornatu, – dedı Elbasy.
Memleket basşysy atap ötkendei, kurorttyq aimaq elımızdıŋ tanymal turistık brendı bolyp, qazaqstandyqtar men şeteldık qonaqtardyŋ süiıktı demalys ornyna ainaldy.
– Burabai qazırdıŋ özınde Qazaqstannyŋ rämızıne ainaldy. Elordanyŋ qasynda ornalasqandyqtan, jaqsy avtomagistral bar bolǧandyqtan, soŋǧy uaqytta turister sany artuda. Jyl boiǧy demalys üşın barlyq mümkındıkter jasaluda. Velosipedpen jäne jaiau seruen joldary aşyldy, qysta şanamen syrǧanap, atqa mınuge, şaŋǧy tebuge bolady. Mūnda ırı halyqaralyq ıs-şaralar ötkızuge mümkındıkter bar. Mysalǧa, Şeteldık investorlar keŋesı bolǧanda Burabaida barşa älemnıŋ jetekşı biznesmenderı bas qosty. Būl jerde TMD, EAEO sammitterı öttı. Olarǧa qatysqan memleketterdıŋ basşylary men ükımet müşelerı sol ıs-şaralar turaly ıltipatpen eske alady. Ärine, EKSPO-2017 halyqaralyq körmesıne kelgen qonaqtar üşın de Burabaiǧa deiın baǧyt ūiymdastyrylatyn bolady. Kurorttyq aimaq köptegen turisterdı tartady, bastysy – olar üşın barlyq qajettı jaǧdailardy jasau kerek. İnfraqūrylymy damyǧan saiyn Burabaidyŋ ataǧy älemge tanyla beretın bolady. Biznesmenderdıŋ nazaryn osyndai jaǧdailar tuǧyzuǧa jäne demalys üşın zamanaui jaqsy keşender saluǧa audarǧym keledı, – dedı Nūrsūltan Nazarbaev.
Soŋynda Qazaqstan Prezidentı Burabai ūlttyq saiabaǧynyŋ damuy köp jaǧdaida bızdıŋ elordamyzben bailanysty ekenıne nazar audardy.
– Qazır Astana maŋynda ülken aglomerasiia qalyptasyp keledı. Is jüzınde, elorda men kurorttyq aimaq arasyndaǧy qaşyqtyq qysqaruda. Bolaşaqta şaǧyn aviasiia ūşyp, tıkūşaq kölıgı damidy dep oilaimyn. Men Astanany salu barysynda tabiǧat jaǧdaiy kelmeidı degenge qaramastan, onyŋ ainalasyna aǧaş otyrǧyzu mındetın qoidym. Bügınde körıp otyrǧanymyzdai, Astananyŋ maŋyna 73 myŋ gektarǧa aǧaş egıldı, būl Burabai aumaǧymen bırdei. Qazırgı uaqytta ekı aimaqtyŋ orman alqaptaryn bırıktıru mındetı qoiyldy, būl jūmystyŋ jartysy atqaryldy. Elımızdıŋ kez kelgen körıktı oryndaryn damytu ülken küş-jıgerdı talap etedı, tiısınşe qarajat ta qajet. Degenmen, turizmge jūmsalǧan är teŋge on ese paida äkeledı. Sondyqtan elımızdıŋ barlyq turistık oryndaryna qajettı investisiialar sala otyryp, qolaily jaǧdailar jasau kerek, – dedı Qazaqstan Prezidentı.
akorda.kz
