Elordalyq pedagogterge erekşe balalardy beiımdeu boiynşa trening ötkızıldı, dep habarlaidy astana-akshamy.kz
J. Taşenev atyndaǧy № 10 mektep-gimnaziiasynda inkliuziia mäselelerı boiynşa treningke 90-ǧa juyq bılım beru mekemelerınıŋ basşylary jinaldy.
Oqytu seminary Astana äkımdıgınıŋ «ädıstemelık ortalyǧynyŋ» kömegımen ūiymdastyrylyp, ekı bölımnen tūrdy. Teoriialyq bölımde mūǧalımder köru qabıletı būzylǧan jäne naşar köretın balalardyŋ beiımdeluı turaly özektı taqyryptardy talqylady.
Aita keteiık, Astana qalasy Bılım basqarmasynyŋ mälımetınşe, qalada erekşe bılım beru qajettılıkterıne mūqtaj 0-18 jastaǧy 19 myŋnan astam bala tūrady.
«Astananyŋ är mektebınde erekşe bılım beru qajettılıkterı bar balalar oqidy. Būl olardyŋ bız jüzege asyratyn qūqyǧy. Barlyq mektepte inkliuzivtı bılım beru üşın jaǧdai jasaluda. Elordanyŋ är audanynda arnaiy synyptar aşu josparymyzda bar. Sodan keiın är mektepte köru qabıletı būzylǧan balalarǧa jaǧdai jasaimyz – Brail şriftımen nemese ülkeitılgen şriftpen oqulyqtarmen qamtamasyz etu, pedagogtardy oqytu jäne t.b.», – dep bölıstı Astana qalasy Bılım basqarmasynyŋ bas mamany Gülşat İsinova.
Öz kezegınde treningte № 10 mektep-gimnaziia ūjymy erekşe bılım beru qajettılıkterıne mūqtaj balalarmen 20 jyldyq jūmys täjıribesımen bölıstı.
«2005 jyly bızdıŋ mektepte köru qabıletı naşar balalarǧa, al 2015 jyly zaǧip balalarǧa arnalǧan synyptar aşyldy. Qazır bızde 160 naşar köretın bala, onyŋ ışınde 28 zaǧip bala bılım aluda. Bızdıŋ mektep Qazaqstanda bırınşı bolyp jalpy bılım beretın mektepte zaǧip oquşylarǧa arnalǧan synyptar qūrdy. Bıraq bız mūnymen toqtaǧan joqpyz jäne ärı qarai qadam basyp kelemız. Eksperiment retınde arnaiy synyptardyŋ ekı oquşysy jalpy synyptarǧa köştı. Būl jaqsy şeşım boldy. Sondai-aq, ötken jyly bız jeke sabaqtar, seminarlar ötkızetın resurstyq kabinet aştyq. Jinaǧan täjıribemızben bölısemız, öitkenı barlyq balalar teŋ boluy jäne bılım aluy kerek. Bügın bız köru qabıletı būzylǧan balalarǧa arnalǧan mektepterde qandai jaǧdailar jasau kerektıgı turaly aitatyn bolamyz. Bolaşaqta Astana boiynşa köşpelı seminarlar ötkızudı josparlap otyrmyz», – dep atap öttı mekteptıŋ tiflopedagogy Säule Saǧymbaeva.
Seminardyŋ praktikalyq bölımı aiasynda köru qabıletı būzylǧan oquşylar özderınıŋ şyǧarmaşylyq talanttaryn körsettı – suret salu, sazdan müsındeu.
Sondai-aq, oquşylardyŋ jūmys körmesı jäne köru qabıletı būzylǧan balalarmen jūmys boiynşa şeberlık synyptary ūiymdastyryldy.
Oqytu treningınen basqa, mekteptıŋ akt zalynda arnaiy synyp oquşylary öner körsetken konsert öttı. Balalar änderdı oryndap, gitara, baraban jiyntyǧy, sintezator syndy muzykalyq aspaptarda oinady.
