MAQSAT – AIQYN, MINDET – NAQTY
Seisenbı künı Kongresc-holda «Nūr Otan» halyqtyq-demokratiialyq partiiasy Astana qalalyq filialynyŋ XVII esep beru-sailau konferensiiasy öttı. Onyŋ jūmysyna partiia töraǧasynyŋ bırınşı orynbasary Baqytjan Saǧyntaev pen Astana qalalyq filialynyŋ töraǧasy, qala äkımı İmanǧali Tasmaǧambetov qatysty.
«Nūr Otan» HDP Astana qalalyq filialynyŋ kezektı esep beru jiynyn Astana qalasynyŋ äkımı İmanǧali Tasmaǧambetov aşyp, jūrtşylyqty kün tärtıbınde qaralatyn mäselelermen tanys-tyrdy.
Esep beru-sailau konferensiiasyna qalalyq mäslihat deputattary, basqarma basşylary, ükımettık emes ūiymdardyŋ jetekşılerı, basqa da mekeme ökılderı qatysty.
Jiynda «Nūr Otannyŋ» Astana qalalyq filialynyŋ atqarǧan jūmystary saralanyp, aldaǧy mındetterı belgılendı.
Prezident Nūrsūltan Nazarbaev äleumettık jaŋǧyrtu prosesterın jüieleu men retteude «Nūr Otan» partiiasynyŋ alar orny erekşe ekendıgın atap ötıp, oǧan ülken senım artyp otyr. Partiianyŋ elordalyq filialy da osy baǧytta nätijelı jūmystar jürgızıp, partiianyŋ ışkı jūmystaryn jetıldıru, aumaqtyq filialdardyŋ qūrylymdaryn qaita qarau, saiasi jūmys pen partiia müşelerınıŋ qataryn molaitu syndy mäselelerge basty köŋıl bölıp keledı. Astana qalalyq filialy qūrylymy «Nūr Otan» HDP jarǧysyna säikes, Almaty, Saryarqa jäne Esıl audandyq filialdary, sondai-aq, «Bırlık», «Nūr», «Ūlttyq medisinalyq holding» AQ janyndaǧy filial bolyp naqtylanǧan.
Biylǧy 1 qaraşadaǧy körsetkış boiynşa, bastauyş partiia ūiymdarynyŋ sany 313-ke jetıp, partiia müşelerınıŋ sany 37 myŋnan asqan.
Astana qalalyq filialy aǧymdaǧy jyly Elbasynyŋ «Äleumettık-ekonomikalyq jaŋǧyrtu – Qazaqstandy damytudyŋ bas-ty baǧyty» Joldauyn jäne «Nūr Otannyŋ» baǧdarlamalyq qūjatyn jüzege asyru men onda aitylǧan mındetterdı jūrtşylyqqa tüsındıru-nasihattau jūmystary şeŋberınde 7500 adamdy qamtyǧan 300 şara ūiymdastyrǧan. Al Prezidenttıŋ «Qazaqstannyŋ äleumettık jaŋǧyrtyluy: Jalpyǧa ortaq Eŋbek qoǧamyna qarai 20 qadam» baǧdarlamalyq maqalasyna da ün qosyp, keŋınen talqylaǧan «nūrotandyqtar» bas-aiaǧy 500-den astam kezdesu, döŋgelek üstel jiyndaryn ötkızıptı.
Elordadaǧy partiia filialynyŋ atqaryp otyrǧan jūmystarynyŋ bır legı qoǧammen jūmys ısteudı keŋeitu bolyp tabylady. Osy maqsatta qalalyq mäslihattaǧy «Nūr Otan» partiialyq fraksiiasymen qoian-qoltyq jūmys ıstep, keŋesşılık ädıstemelık mındettı atqaryp otyrǧan qoǧamdyq qabyldaulardyŋ ıs-şarasyna da airyqşa män berılıp otyr.
Alqaly jiynda «Nūr Otan» HDP töraǧasynyŋ bırınşı orynbasary Baqytjan Saǧyntaev ta söz söilep, maŋyzdy mındetter jüktelıp otyrǧan partiianyŋ qyzmetın jaŋa sipatta jetıldıru mäselesın köterdı. Bügınde «Nūr Otan» partiiasynyŋ aldynda äleumettık saladaǧy memlekettık organdar qyzmetınıŋ atqaryp jatqan ısıne monitoring jüiesın jasaqtau qajet. Baqytjan Äbdırūlynyŋ pıkırınşe, būl jūmyspen eldıŋ tynys-tırşılıgın olardyŋ öz auzynan estıp, alaqandaǧydai körıp-bılıp otyrǧan qoǧamdyq qabyldaular ainalysqany abzal.
Esep beru konferensiiasynda «Nūr Otan» HDP Astana qalalyq filialynyŋ atqarǧan jümystary ǧana emes, «EKSPO – 2017» halyqaralyq körmesın ötkızuge laiyq dep tanylǧan bas şahardyŋ atyna da jyly lebızder aityldy. B.Saǧyntaev Astananyŋ älem aldyndaǧy abyroi-bedelınıŋ qalyptasuyna Elbasy Nūrsūltan Nazarbaevtyŋ eŋbegı eren ekendıgın atap ötıp, biyl alǧaş ret atalyp ötkelı otyrǧan Tūŋǧyş Prezident künınıŋ mänıne toqtaldy.
Jiyn barysynda, sondai-aq, «Nūr Otan» HDP Astana qalalyq filialynyŋ saiasi keŋesı men baqylau-tekseru komissiiasynyŋ jaŋa qūramy sailandy.
Jiynǧa qatysqan partiia müşelerı keleşekte de Elbasymen bırge täuelsız Qazaqstannyŋ örkendeuıne üles qosatyndaryn bırauyzdan mälımdedı.
Astana qalasynyŋ äkımı İmanǧali Tasmaǧambetov: «halyqtyŋ äl-auqatyn jaqsartuǧa, elordany örkendetuge qandai şarualar atqarylǧanyna naqty jauap bere alsaq, sonda ǧana jūmysymyzǧa qanaǧattana alamyz» dep, jiyndy qorytyndylady.
Qymbat NŪRǦALİ