Nūrsūltan NAZARBAEV: Astanany kım basqaratynyna nemqūraily qarai almaimyn
Prezident Nūrsūltan Nazarbaev Astana qalasynyŋ aktivımen kezdestı. Jiynda Memleket basşysy elordanyŋ jaŋadan taǧaiyndalǧan äkımı Äset İsekeşevtı qūttyqtap, jūmysyna jetıstık tıledı.
«Būl qalany kım basqaratynyna men nemqūraily qarai almaimyn. Ol täjıribelı, bılımdı, Qazaqstanǧa tanymal, elordanyŋ müddesın qorǧai otyryp, ükımetpen jūmys ıstei alatyn adam boluǧa tiıs. Men Äset İsekeşevtı sondai adam dep esepteimın. Bügın mäslihattyŋ kelısımımen taǧaiyndalǧan jaŋa äkımdı qūttyqtaimyn» dedı Elbasy.
Kezdesu aldynda qalalyq mäslihattyŋ sessiiasy bolyp ötken bolatyn. Onda deputattar Astana qalasynyŋ jaŋa äkımı Ä.İsekeşevtıŋ kandidaturasyn bırauyzdan maqūldady.
Astana qalasynyŋ äkımı bolyp taǧaiyndalǧanǧa deiın Äset Örentaiūly QR İnvestisiia jäne damu ministrı lauazymyn atqarǧan.