Nūrsūltan NAZARBAEV, Qazaqstan Respublikasynyŋ Prezidentı: JASASYN QAZAQSTAN!
Tūmandy Albion törınde alaştyŋ atyn şyǧarǧan el sportşylaryn astanalyqtar men qala qonaqtary halyqaralyq äuejaidan qūşaq jaia qarsy aldy. Chempiondar mıngen temır tūlparlar qala köşelerın aralady. Ystyq yqylas pen zor qūrmetke bölengen jeŋımpazdar Astana daŋǧyldaryn dumanǧa ainaldyrdy. Tört jylda bır keletın Olimpiadada el jalauyn jelbıretken namysty ūl-qyzdarymyzdy odan ärı Elbasy Nūrsūltan Nazarbaev Täuelsızdık saraiynda saltanatty jaǧdaida memlekettık nagradalarmen marapattady.
London Olimpiadasynda otandyq sportşylardyŋ qol jetkızgen zor jetıstıgınıŋ qūrmetıne arnalǧan räsım elımızdıŋ aibyndy änūranymen aşyldy. Jeŋıs tuyn kökke köterıp, älemge qazaqtyŋ Änūranyn asqaqtatqan jeŋımpazdardyŋ barlyǧyn Elbasy şyn jürekten qūttyqtady.
– Barşa Qazaqstan halqy ükılep şyǧaryp salǧan talanttarymyzǧa janküier bolyp, alys, jauapty saparǧa eldıŋ batasyn alyp attanǧan ūl-qyzdarymyz ümıtımızdı aqtady. Qazaqstan sportşylary el tarihynda būryn-soŋdy bolmaǧan tabysqa qol jetkızdı. London törınde qazaqtyŋ kök bairaǧy jetı märte
jelbırep, älemnıŋ barşa elınıŋ tularynan biıkke köterıldı. Otanymyzdyŋ änūrany jetı ret London törınde kökke örledı.
Sportşylarymyz Olimpiadanyŋ alǧaşqy künınen bastap soŋǧy sätterıne deiın qorjynǧa medal salumen boldy, – degen Elbasy kırpık qaqpai teledidarda tılekşı bolǧan milliondaǧan qazaqstandyqtardyŋ yqylasy ärbır sportşyǧa qanat bıtırgenın de, atap öttı. İä, el namysyn tu etken bäsekede barşa qazaqtyŋ mereiı üstem boldy. Aldaǧy uaqytta būdan da biık asulardy baǧyndyra beretınımızdı aitqan Prezident ūlttyq qūramanyŋ erlıgıne toqtaldy.
–Bızdıŋ qūrama eleulı ılgerıleuşılık jasady. Beijıŋ Olimpiadasyndaǧy qorytyndy boiynşa 29-orynnan biyl Londondaǧy Olimpiadalyq oiyndardyŋ medaldık esebınde 12-pozisiiaǧa köterıldı. Osy arqyly Qazaqstan 250 ūlttyq qūramanyŋ arasynda aldyŋǧy qatarly sporttyq derjavalardyŋ bırıne ainaldy. Būl barşa halqymyzdyŋ ülken jeŋısı. Qūrmettı olimpiadaşylar! Bız sızderdıŋ jeŋısterıŋızdı asyǧa küttık. On alty kün boiy janküier boldyq. Sızder barşa halyqtyŋ ümıtın, menıŋ jeke ümıtımdı aqtadyŋyzdar. Barşa qazaqstandyqtardyŋ atynan sızder men bapkerlerıŋızge alǧysymdy aitamyn. Jasasyn Qazaqstan!–
dedı Elbasy.
Saltanatty şara barysynda Memleket basşysy mūndai jetıstık ülken eŋbek pen zor ızdenıstıŋ arqasynda keletının basa aitty.
Bırınşıden, būl Qazaqstanda sport salasyn damytu memlekettıŋ basty strategiiasynyŋ bırı ekenın alǧa tartty.
– Sport – bırınşıden, salauatty ömır salty. 2009 jyly būl salany qarjylandyru üş esege ūlǧaidy. Biyldyŋ özınde on milliardtai dollar bölındı. Elımızdıŋ är aimaǧynda būqaralyq sport türlerı damyp, salauatty ömır saltyn qalyptastyru, jastardy tartu basty nazarǧa alyndy. Bügınde oblystarda sport nysandary köptep salynyp, 7000-nan astam seksiia aşyldy. Ekınşıden, jeŋıske degen qūştarlyq. Sporttyq jetıstık – būl da ūly jūmys. Olimpiadaşylardyŋ jetıstıgı – eŋbeksüigıştıkke, patriotizmge ülgı, bızdıŋ elımızdıŋ jastary men barlyq azamattary üşın öz küşterıne degen senımı, – dedı Prezident.
Jeŋımpazdarǧa arnalǧan būl jiynda Elbasy täuelsızdık jyldary ışınde qol jetken tolaiym tabystardy saralady. Jazǧy jäne qysqy Olimpiada oiyndarynyŋ 63 jeŋımpazy, onyŋ ışınde 18 Olimpiada chempiony tärbielenıp şyqqandyǧyn, 116 qazaqstandyq türlı älem chempionattarynda
jüldelı oryndardy ielengenın jetkızdı. Olimpiadaşylardyŋ qatary elımızdıŋ är aimaǧynan şyǧyp otyrǧandyǧyn alǧa tartqan Prezident eger elımızdıŋ är oblysy bır Olimpiada jeŋımpazyn tärbielep şyqsa, būl bızge jetkılıktı ekenın tebırenıspen jetkızdı.
Elbasy aitqandai, bügınde Qazaqstanda jaŋadan türlı sport keşenderı ıske qosylyp, sportpen ainalysatyn qazaqstandyqtardyŋ sany 3 mln adamnan asqan. Mūndai jeŋısterden keiın sportty qoldau saiasaty odan ärı jalǧaspaq. London törınde Qazaqstannyŋ ūlttyq qūramasy jalpy 13 medaldı qanjyǧaǧa bailady. Qorjynymyzda jetı altyn, bır kümıs jäne bes qola jülde bar. Qazaqstan sportşylary komandalyq esepte on ekınşı orynnan körındı. Täuelsız Qazaqstannyŋ sport tarihynda altyn ärıptermen jazylatyn Olimpiada talai jastardy jıgerlendırıp, talai jürekterge ruh berdı. London Olimpiadasynda kök Tudy kökke kötergen jerlesterımızge saltanatty şarada Elbasy öz qolymen memlekettık nagradalar tapsyrdy. Bokstan bylǧary qolǧap şeberı Serık Säpiev, veloşabandoz Aleksandr Vinokurov, auyr atlet İlia İlin «Otan» ordenın keudelerıne taqty. Zıl temırşı qyzdarymyz Svetlana Podobedova men Zülfiia Chinşanlo, Maiia Maneza men Olga Rypakova II därejelı «Barys» ordenımen, paluan Daniial Gadjiev, boksşylar Ädılbek Niiazymbetov, İvan Dychko, Marina Volnova, paluan Guzel Maniurova, erkın küres şeberı Aqjürek Taŋatarov «Qūrmet» ordenımen marapattaldy.
Al osy jarysta sportşylarymyzdyŋ basy-qasynda jürgen QR Sport jäne dene şynyqtyru ısterı agenttıgınıŋ töraǧasy Talǧat Ermegiiaev «Parasat» ordenıne laiyq dep tanyldy. Jeŋımpazdardyŋ qūrmetıne arnalǧan saltanatty şara soŋy merekelık ko sertke jalǧasty.
Sondai-aq, «Bäiterek» monumentı janynda HHH Olimpiada oiyndary jeŋımpazdaryna arnalǧan jalpyjūrttyq än-bi keşı ūiymdastyryldy.
Gülmira Aimaǧanbet
