Biyl Astana qalasynda 129 myŋ bala mektepke barady
Bılım basqarmasynyŋ mälımetınşe, oquşylardyŋ barlyǧy oqulyqpen jäne mektep formasymen qamtylady.
«Oquşylardyŋ barlyǧy 1 qyrküiekke deiın formamen jäne mektepke qajettı zattarmen qamtamasyz etıluı tiıs. Osy maqsatta arnaiy jūmystar jasalyp, «Mektepke jol» aksiiasy aiasynda 20-21 tamyz künderı arnaiy järmeŋke ötkızılgelı otyr. Özge öŋırlerden kelgender, tūrmysy tömen jäne köpbalaly otbasylar, ırı sauda ortalyqtarynan kiım-keşek satyp aluǧa aqşasy joq azamattar järmeŋkede öz balalaryn mektepke daiyndau üşın qajettı zattardyŋ bärın tabady. Onda bırınşı qajettılıktegı tauarlardy tömendetılgen baǧamen aluǧa bolady. Bızdıŋ maqsatymyz – bärın formamen jäne mektepke qajettı zattarmen qamtamasyz etu. Eger bala 1 qyrküiekke daiyn bolmasa nemese ony mektepke qabyldamasa, 55-72-49, 55-68-74, 55-74-67 telefondary boiynşa qauyrt jelıge habarlasuǧa bolady» deidı Astana qalasynyŋ Bılım basqarmasy Kämeletke tolmaǧandardyŋ qūqyqtaryn qorǧau bölımınıŋ basşysy Läzzat Orynbasarova.
Astana qalasy äkımdıgınıŋ aldyndaǧy alaŋda ötetın būl mektep järmeŋkesınde Astana, Almaty, Qaraǧandy jäne Şymkent qalalarynyŋ käsıpkerlerı men tauar öndıruşılerı öz önımderın ūsynady. Ekı künge sozylatyn bılım järmeŋkesı kezınde elorda tūrǧyndary men qonaqtary oqulyqtar, mektep formasy, sport kiımı men aiaq kiımderdı, sondai-aq ärtürlı keŋse zattaryn naryqtaǧy baǧadan 10-50 paiyzǧa arzan baǧamen satyp ala alady.
Sondai-aq, järmeŋkede qoǧamdyq qabyldau ötkızıledı. Qalalyq Bılım basqarmasynyŋ zaŋgerlerı men ökılderı halyqqa keŋes beredı. Şara barysynda elordalyq şyǧarmaşylyq ūjymdardyŋ qatysuymen konserttık baǧdarlama ūiymdastyrylady.