KEŞE MEMLEKET BASŞYSY NŪRSŪLTAN NAZARBAEV ÖZ ESIMIN İELENGEN OQU ORDASYNDA BOLYP, «QAZAQSTAN BILIM QOǦAMY JOLYNDA» DEGEN TAQYRYPTA ŞÄKIRTTERGE DÄRIS OQYDY.
DÄRISTIŊ ŞYMYLDYǦY ELIMIZDEGI TŪŊǦYŞ «BILIM» TELEARNASYNYŊ TŪSAUKESERIMEN AŞYLDY. «OTAU TV» JÄNE SANDYQ TELEHABAR TARATU JELILERINDE TARAITYN ARNA ALDAǦY UAQYTTA KABELDIK JELILER ARQYLY DA QOLJETIMDI BOLMAQ.
Nazarbaev universitetı tälımgerlerı būǧan deiın de bırneşe ret Elbasymen jüzbe-jüz otyryp didarlasqan. Sol jüzdesulerdıŋ bırınde Prezident atalmyş oqu ornynan bolaşaqta Nobel syilyǧy iegerlerı şyǧady degen senım bıldırgen. Būl joly oqu ornynyŋ naqty baǧyt-baǧdaryn aiqyndap berdı.
«Nazarbaev Universitetı» – intellektualdy-innovasiialyq klasterge ainaluy tiıs» dedı.
Därıstı onlain rejimınde elımızdıŋ tükpır-tükpırındegı 7696 bılım oşaǧy men 8500 balabaqşa ūjymy, Europa, Aziia, jäne Amerikanyŋ bırqatar elderınde oqyp jürgen qazaq jastary da tyŋdady.
Elbasy olarmen de tıkelei bailanysqa tüsıp, kökeiındegı saualdaryna jauap berdı. Aqyl-keŋesın aitty. Mındet te jüktedı. Tonnyŋ ışkı bauyndai boluǧa şaqyrdy.
«140 ūlystan qūralǧan barşa qazaqstandyqtyŋ bırlıgı – bızdıŋ basty qūndylyqtarymyzdyŋ bırı. Älemdık mūhitta tabysty jüzıp kele jatqan qaiyǧymyzdy özgelerdıŋ şaiqauyna jol bermeuımız qajet» dedı.
«Özgeler salǧan sürleuge tüsıp, böten ızdıŋ şaŋyn jūtu Qazaqstan jastarynyŋ taŋdauy emes. Täuelsız qazaq elınıŋ bılımdı jastary, öz soqpaqtaryn salyp, ony eldık damuǧa bastaityn daŋǧylǧa ainaldyruǧa tiıs».
Memleket basşysynyŋ bügıngınıŋ jastarynan talap eterı osy.
Talaptyŋ üdesınen şyǧu üşın Ükımetke bılım beru jüiesıne zamanaui ädıs engızudı tapsyrdy. «Bılımdı balaǧa 3 jastan bastap sıŋıre beru kerek» dedı söz arasynda.
Soŋǧy ekı jylda mektepke deiıngı mekemelerde balalardyŋ qamtyluy 65 paiyzǧa jetse, 2020 jylǧa qarai būl 100 paiyzdy qūramaqşy.
Respublika kölemınde 12 jyldyq bılım berudı qamtamasyz etetın 522 mektep salynady.
Orta bılım beru jüiesınde üş auysymda oqu atymen joiylady.
Biyldyŋ özınde 35 bılım mekemesı Ziiatkerlık mektep standarty boiynşa jūmys ıstei bastady.
1998 jyly qazaqstandyq oquşylar halyqaralyq saiystarda bar-joǧy 8 medaldı qanjyǧasyna bailasa, biyldyŋ özınde mūndai jüldelerdıŋ sany myŋǧa jetıptı.
Osyndai jetıstıkterdıŋ nätijesınde soŋǧy üş jylda IýNESKO- nıŋ bılım beru indeksı boiynşa Qazaqstan 130 memleket arasyndaǧy köşbasşy elderdıŋ törttıgıne endı.
Auyl mektepterı men mümkındıgı şekteulı balalardyŋ elektrondy oqulyqtarǧa qol jetkızetın künı de alys emes. Jyl soŋyna deiın 600 mektepke elektrondy jüie engızılmekşı.
Aitpaqşy, şahmattan 4 dürkın älem chempiony Jansaia Äbdımälıktıŋ saualyna orai Elbasy aldaǧy uaqytta elordada Şahmat akademiiasy boi köteretının aitty.
Ǧimarat şahmat figurasy pışınınde salynbaqşy eken.
«Taiauda men älemdık şahmat qauymdastyqtarynyŋ basşylarymen, tanymal grossmeisterlermen söilestım. Olar balalary şahmatpen ainalysatyn elderdegı oqu ülgerımınıŋ joǧary bolatynyn aitty. Öitkenı, şahmat adamdy bırneşe qadam alǧa oilauǧa mümkındık beredı eken. Men mūny qoldaimyn. Bız Astanada şahmat ortalyǧyn salatyn bolyp kelıstık. Men de şahmat oinaimyn, bıraq, Jansaia, sen sekıldı oinai almaitynymdy moiyndauym kerek» dedı Elbasy.
Prezident soŋǧy on jylda azamattardyŋ tabysy 45 esege, ekonomika 16 esege artqanyn, kedeilıktıŋ 4 esege qysqarǧanyn tılge tiek ettı. Nietı bar janǧa bır emes, bırneşe jerde qyzmet etuge jaǧdai jasalǧanyn aitty. Bır qaladan ekınşı qalaǧa qatynap jūmys jasaityn amerikalyqtardan ülgı alu qajet dedı.
Bügınde halqymyzdyŋ ortaşa jasy 35-ten aspaidy. Qazaqstandyqtar – jas ärı serpındı ūlt. 2005 jyly bastalǧan demografiialyq jarylys 2016 jylǧa deiın jalǧasady degen boljam bar. Halyqtyŋ tabiǧi ösuı älı de jalǧasa beredı degen söz būl.
«Aziia barysy bolamyz» degen asqaq armany bar Qazaqstannyŋ älemdı tūraqsyzdyq jailaǧan myna zamanda ūstanymy qandai bolmaq? Mūhit asyp, bılım quyp jürgen qazaqstandyq jas Äbutälıp Mütälı Elbasyǧa osyndai saual joldady.
«2030 jylǧa deiın jasaǧan baǧdarlamanyŋ 15 jylyn artqa tastadyq. Osy jyldar ışınde baǧdarlamada aitylǧan mäselenı bız asyra oryndadyq dep aita alamyz» dep jauap berdı Prezident. Qazaqstannyŋ jan basyna şaqqandaǧy önım kölemı Malaiziiadan asyp otyrǧandyǧyn aitty.
Endı, tehnologiia men tehnika jaǧynan jarysqa tüse alatyndai halge jetu kerek dedı.
Qaraǧandy qalasyndaǧy T.Bigeldinov atyndaǧy Respublikalyq äskeri mektep-internattyŋ kursanttarynan tüsken saualǧa da Elbasy qanaǧattanarlyq jauap berdı.
Būdan bylai joǧary äskeri oqu ornyna tüsu kezınde äskeri mekteptı tämamdaǧan tülekter aldymen qabyldanatyn boldy.
Memleket basşysy jalpy sany 13 saualǧa jauap berdı.
Söz soŋyn «Bız örleudı ömırdıŋ özegı etken halyqpyz. Bızdıŋ alǧa qarai ūmtyludan basqa jolymyz joq. El bolaşaǧynyŋ baiandy bolmaǧy basta būlyqsyǧan bılım men qolda oinaǧan eŋbekke bailanysty. Endeşe bılımderıŋ tolsyn, eŋbekterıŋ jansyn!» dep qaiyrdy.
Şynar DOSAN
PIKIR
EŊBEK JOLYN ÜLGI ETEMIN
Bügın Nūrsūltan Äbışūlynyŋ sabaǧyna qatysa otyryp, özımdı baqytty sezındım. Nege deisız be? Öitkenı, men bızdıŋ Elbasymyz siiaqty käsıbi oqu ornynda bılım alyp jürmın. Prezidentımız aitqandai, menıŋ de joldastarym basqa ūlt ökılderı, bız jaqsy dospyz.
Elbasymyzdyŋ eŋbek jolyn ülgı etıp, bolaşaqta elımızdıŋ igılıgı üşın qyzmet etkım keledı. .
V.Toporkovskii, 2-kurs studentı
ELBASY DÄRISINEN ÜLKEN ÄSER ALDYM
Nazarbaev universitetınde ötken onlain-sabaǧyna qatysyp, Elbasymyzdyŋ därısınen ülken äser aldym. Jastarǧa arnalǧan därıs asa tartymdy jäne mazmūndy boldy dep sanaimyn. Nūrsūltan Nazarbaev bılım salasyndaǧy barlyq mäselelerge köŋıl audardy, äsırese, käsıbi bılımdı damytuǧa köp jaǧdai jasalatynyn atap öttı. Osy oraida Qazaqstanda käsıptık- tehnikalyq bılım beru jelısınıŋ aşyluy turaly şeşım qabyldanǧany menı qatty quantty. Prezidentımız öz baiandamasynda jastardy salauatty ömır süruge şaqyrdy. Şyn mänınde, tek salauatty ūrpaq qana elımızdı bäsekelestı memleket boluǧa jetkıze alady. Tıldıŋ üş tūǧyrlyǧy bügıngı künnıŋ bolmysy, mektepke deiıngı bılım oşaǧynda qazaq, orys, aǧylşyn tılderın jürgızu kerektıgın aitty, men üşın ol öte ülken quanyş, öitkenı mende mūndai mümkındık bolmaǧan. N.Ä.Nazarbaev jastardy eŋbek etuge şaqyrady, al bızdıŋ bügıngı eŋbegımız – sapaly bılım alu. Bız mūny jaqsy tüisınemız.
Veronika Harkova, Astana äkımdıgınıŋ Qoǧamdyq tamaqtandyru jäne servis kolledjınıŋ 3-kurs studentı
