Astana künıne arnalǧan merekelık otşaşu qalanyŋ bes jerınen jarqyrady.
«Han Şatyr» sauda – oiyn-sauyq ortalyǧy janyndaǧy alaŋnan, Esıl özenı jaǧalauynan jäne Abylaihan daŋǧyly men Puşkin köşelerı qiylysyndaǧy aumaǧynan köterılgen türlı-tüstı otşaşu Astana merekesınıŋ aişyqty körınısı boldy.
Otanymyzdyŋ jüregı, Täuelsızdıgımızdıŋ tıregı bolǧan Astana keşe ǧana 18 jyldyǧyn atap öttı. Säuletı men däuletı jarasqan elordamyzdyŋ töl merekesı qala jūrtşylyǧy men meimandaryna erekşe quanyş syilady.
Astana – Elbasymyz Nūrsūltan Nazarbaev qazyǧyn qaqqan qūtty qalamyz barşa qazaqstandyqtardyŋ maqtanyşyna ainaldy.
Astana – bar qazaqqa bas qalasy ūlttyq ruhymyzdyŋ qainar būlaǧyna, azattyqtyŋ aibyndy boitūmaryna, jasampazdyqtyŋ aqjoltai jarşysyna ainaldy.
Astana – innovasiialyq jaŋalyqtardy igergen, industriialyq öndırıske ikemdelgen, şaǧyn jäne orta bizneske qolaily qalaǧa ainaldy.
Astana – taǧdyrlardy toǧystyratyn, ǧaşyqtardy tabystyratyn, jalyndaǧan jastarǧa şabyttandyratyn arman qalaǧa ainaldy.
Astana – öner men mädeniettıŋ örelı ölkesıne, sport pen salauatty ömırdıŋ qalyptasqan öŋırıne ainaldy.
Astana – bırlık pen berekenı eselegen, erlık pen eŋbektı qasterlegen, älem tanyǧan beibıtşılık qalasyna ainaldy.
Astana – törtkül dünie köz tıkken, halyqaralyq arenada abyroiy asqaqtaǧan aru qalaǧa ainaldy.
Astana – Elbasynyŋ oryndalǧan armany, bar qazaqtyŋ qūt qonǧan şaŋyraǧy.
Märtebeŋ biıktep, mereiıŋ öse bersın, el jüregıne ainalǧan, arman qala – Astana!
Astananyŋ tuǧan künı, qūtty bolsyn, aǧaiyn!
Ǧalym QOJABEKOV
