Keşe Astana qalasynyŋ äkımı Ädılbek Jaqsybekov kezekten tys prezident sailauyn ötkızuge belsendı atsalysqan bır top astanalyqqa Memleket basşysynyŋ atynan alǧys hat tabystady.
Jiyndy aşqan elorda äkımı elımızdıŋ bolaşaǧy üşın maŋyzdy uaqiǧadan astanalyqtar da tysqary qalmai, dauys beruşılerı jaǧynan elımız boiynşa ekınşı oryn alǧanyn atap öttı.
– Elbasy Nūrsūltan Nazarbaevtyŋ sailauşylardyŋ 97,75% dauysyn jinap, aiqyn jeŋıske jetuı – el azamattarynyŋ Prezidentke degen nyq senımınıŋ körınısı. Prezidenttıŋ bas şaharǧa degen yqylasy erekşe. Bügınde Astanany küllı älem tanidy. Kezındegı şaǧyn qalanyŋ az uaqyttyŋ ışınde qarqyndy damyp, qazırgıdei joǧary deŋgeige jetuı – Elbasynyŋ eŋbegı. Astanalyqtardyŋ sailauǧa bır kısıdei qatysuyn – olardyŋ Memleket basşysyna degen laiyqty qūrmetı dep bılemın, – dedı Ädılbek Ryskeldıūly.
Äkım Memleket basşysy jüktegen mındetterdı jüzege asyru jolynda jūmys ıstep, elımızde atqarylyp jatqan şaralardy halyqqa jetkızıp jürgen «Nūr Otan» partiiasy men Elbasyn qoldauşylardyŋ eŋbegın de airyqşa atap öttı. Elordada sailau kezınde QR Prezidenttıgıne kandidat N.Ä.Nazarbaevtyŋ 672 senımdı ökılı tırkelgen eken. Äkımnıŋ aituynşa, qoǧamdyq ştab ärtürlı sipattaǧy 1557 şara ötkızıp, 426 myŋ adamdy qamtyǧan.
Is basyndaǧy Prezidenttı qoldauşylar eŋbek ūjymdarymen, jastarmen, köptegen äleumettık ūiymdarmen kezdesuler ötkızıp, sailaudyŋ maŋyzdylyǧyn jäne «Nūrly jol» joldauy aiasyndaǧy baǧdarlamalar mänın tüsındıru şaralaryn belsendı jürgızgen. Atap aitqanda, jastar fleşmobtary, Jeŋıstıŋ 70 jyldyǧyna arnalǧan qaiyrymdylyq aksiialar syndy bas-aiaǧy 47 şara ötkızgen. Olarǧa 32 myŋdai qala tūrǧyndary qatysqan qūraǧan. Al aimaqtyq jüielı keste aiasynda 229 şara ūiymdastyrylyp, 200 myŋ adam qamtylǧan.
– Mūnyŋ barlyǧy – Nūrsūltan Äbışūlynyŋ sailaudaǧy jeŋısıne sübelı üles qosqan şaralar. Ştab müşelerınıŋ ärqaisysy elımız üşın maŋyzdy ıske özındık ülesın qosty. Sondyqtan, sızderdı qajyrly eŋbekterıŋızdı baǧalap, Elbasynyŋ alǧysyn jetkızgım keledı, – dep Ädılbek Ryskeldıūly Prezidenttıŋ alǧyshatyn alǧandardyŋ qatarynda Qazaqstan Respublikasynyŋ prezidenttıgıne kandidat N.Ä.Nazarbaevtyŋ Qoǧamdyq ştabynyŋ Astana qalalyq filialynyŋ müşelerı: ştab töraǧasy, partiianyŋ qalalyq filialy töraǧasynyŋ bırınşı orynbasary, qalalyq mäslihat deputaty S.Ahmetov, mäslihat deputattary G.Danbaeva, V.Dosaev, T.Egınbaev, K.Jauhanov, Z.Jüsıpova, A.Kim, K.Qūlmyqanov, B.Solsanov, T.Orazaqov, A.Baigenjin, M.Oralov, A.Kürışbaev, S.Hamhoev, M.Şaidarov, Z.Şibkenov, Ş.Hahazov, «Nūr Otan» partiiasynyŋ AAF Saiasi keŋesınıŋ müşesı, Polşanyŋ eŋbek sıŋırgen ärtısı B.Ysqaqova, «Nūr» aumaqtyq filialynyŋ töraǧasy, «Nūr Otan» partiiasynyŋ L.N.Gumilev atyndaǧy EŪU bırınşı prorektory D.Nūrmanbetova, «Qazaqstan İnjiniring ŪK» AQ apparat basşysy Ä.Bergenev, QR İDM «Qazaeronavigasiia» RMK apparat basşysy K.Kaken, «Respublikalyq balalardy oŋaltu ortalyǧy» AQ basqarma töraiymy Ş.Bölekbaeva bar.
Qymbat TOQTAMŪRAT
