Kongress-holda «Kömek» äleumettık järdem beru» ortalyǧyn qoldau maqsatynda qaiyrymdylyq konsertı öttı.
Mümkındıgı şekteulı jandardy qoldauǧa arnalǧan şarany ūiymdastyruşylar – Astana qalasynyŋ Mädeniet basqarmasy, «Jas Nūr» saŋyraular assosiasiiasy jäne «Aşyq jürek» bastamaşy toby. Konsertke Qazaqstannyŋ eŋbek sıŋırgen qairatkerı Erlan Kökeev bastaǧan estrada jūldyzdary, respublikalyq jäne halyqaralyq baiqaulardyŋ jüldegerlerı – būlbūl kömei, jez taŋdai änşıler qatysty. Arbaǧa taŋylsa da saǧy synbaǧan, asqaq ruhty jandar äueletıp än salyp, türlı önerlerımen jūrtty täntı etkende aqyn Mūhtar Şahanovtyŋ:
«Adam mäŋgı tän saulyǧyn aŋsaǧan,
Bıreuge aiaq, al bıreuge qol qaiǧy.
Öz boryşyn sezınuden qalsa adam,
Odan asqan mügedektık bolmaidy» degen öleŋ joldary erıksız eske oraldy.
Qazır ne köp – jarqyl da jūrqyl şou jäne ony tamaşalaityn jūrt köp. Özımız de talai sol keşterge qyzyq quyp, qydyryp baryp jürdık. Ondai kezde ainaladaǧy adamdardyŋ da ne maqsatpen jürgenın tolyq bolmasa da topşylaisyŋ. Al būl keştıŋ är adamy aiauly, är qonaǧy qasterlı. Sebebı, olar konsert biletınen tüsken azdaǧan aqşalarynyŋ qandai igılıkke jūmsalatynyn bıledı. «Köp tükırse – köl» degen qaǧidany ūstanyp, qaiyrymdylyqtan şet qalmaǧan jämiǧatqa qandai sauap jazylatynyn qasiettı kıtaptardan däieksöz keltırıp, aityp jatu artyq şyǧar.
Yrysbek DÄBEI
