Biylǧy köktem köptegen qiyndyqtarmen keldı. Kıbıse jylynda Qazaqstannyŋ Batys, Soltüstıktegı aimaqtaryn būryn-soŋdy bolmaǧan topan su basty. Qarǧyn sudan zardap şekkender az emes. Qazaqstandyqtar, jergılıktı käsıpkerler, ırı kompaniialar, qarapaiym azamattar, oqu oryndary el Prezidentı Qasym-Jomart Toqaevtyŋ su tasqyny saldarynan zardap şekken azamattarǧa kömek körsetuge şaqyrǧanyn qūp alyp, jūdyryqtai jūmylyp, qoldan kelgen kömegın körsetude.
– Otandyq biznestıŋ barlyq ökılderın osy jauapty sätte şette qalmauǧa jäne adamdarǧa kömek qolyn sozuǧa şaqyramyn. Tabiǧi apattan zardap şekken barlyq tūrǧyndar men öŋırlerge barynşa qoldau körsetu qajet. Bügınde būl bärımız üşın ortaq mındet, – dedı Memleket basşysy. Osyǧan orai Maqsut Narikbayev University Memleket basşysynyŋ bastamasyn qoldap, qiyn jaǧdaiǧa tap bolǧandarǧa alǧaşqylardyŋ qatarynda kömek körsettı. Universitet ūjymy tabiǧi apattan zardap şekkenderge materialdyq jäne qarjylyq kömektı ūsyndy, su tasqynynan zardap şekkenderge arnalǧan qaiyrymdylyq qorlaryna qomaqty qarajat böldı. MNU studentterı qaiyrymdylyq järmeŋkesın ūiymdastyryp, N.Gumilev atyndaǧy Euraziia ūlttyq universitetımen bırlesıp, Qostanai jäne Atyrau öŋırlerıne gumanitarlyq kömek jıberdı. Sondai-aq universitet su tasqynynan zardap şekken studentterdı oqytu üşın 10 grant böluge niettı. Grant iegerlerıne qosymşa qoldau körsetu maqsatynda Studenter üiınen kezekten tys oryn bölu turaly ūsynysty qoldap otyr. Universitette su tasqynynan zardap şekken aimaqtarǧa gumanitarlyq kömek jinau aldaǧy uaqytta jalǧasady. Prezident aitqanyndai, su tasqyny bolǧan öŋırlerdegı azamattardyŋ şyǧyndaryn öteu üşın memleket tarapynan barlyq tiıstı şaralar qabyldanatyn bolady, sebebı älı de qauıp seiılgen joq.
