Bır apta boiy elorda törınde dürıldegen «TeatrALL» atty halyqaralyq teatr festivalı Q.Quanyşbaev atyndaǧy Qazaq memlekettık akademiialyq muzykalyq drama teatry sahnasynda tüiındeldı. Täuelsızdıktıŋ 30 jyldyǧy aiasynda ūiymdastyrylyp, astanalyq 12 teatr men Reseiden şaqyrylǧan 2 teatrdyŋ basyn qosqan festivaldıŋ jabylu saltanatyna Mädeniet jäne sport ministrı Aqtoty Raiymqūlova, Nūr-Sūltan qalasy äkımınıŋ orynbasary Ashat Oralov qatysty.
– Biyl elımız Täuelsızdıktıŋ 30 jyldyǧyn keŋınen atap ötude. Qazaqstannyŋ Tūŋǧyş Prezidentı-Elbasy Nūrsūltan Nazarbaevtyŋ bastamasymen qolǧa alynǧan «Mädeni mūra» jäne «Ruhani jaŋǧyru» baǧdarlamalary mädenietımızdıŋ örkendeuıne airyqşa serpın berdı. Täuelsızdıktıŋ 30 jyldyǧyn merekeleuge daiyndyq jönındegı komissiianyŋ bırınşı otyrysynda Qazaqstan Prezidentı Qasym-Jomart Toqaev «Täuelsızdıktıŋ 30 jyldyǧy – būl jai künderdıŋ bırı emes, bız būl tarihi oqiǧaǧa ideologiialyq tūrǧydan qarauymyz kerek» dep atap öttı. Bır aita keterlıgı, eldegı epidemiologiialyq jaǧdai Täuelsızdıgımızdıŋ 30 jyldyǧyn merekeleuge aitarlyqtai äser etken joq. Is-şaralar oflain jäne onlain rejimderınde ötkızılıp jatyr, – dedı A.Raiymqūlova.
Osyǧan deiın Astana künıne orai ūiymdastyrylǧan «Elorda – öner ölkesı» atty elımızdıŋ jäne şeteldık teatrlardyŋ şyǧarmaşylyq kezdesuı eŋ maŋyzdy şaralardyŋ bırıne ainalǧanyn atap ötken ministr osy «TeatrALL» atty halyqaralyq teatr festivalı sonyŋ zaŋdy jalǧasy ekenın aitty.
Öz kezegınde söz alǧan Nūr-Sūltan qalasy äkımınıŋ orynbasary Ashat Oralov qala basşysy Altai Kölgınovtıŋ atynan festivaldıŋ öz deŋgeiınde ötuıne atsalysqan teatrlardyŋ basşylaryna, şyǧarmaşylyq ūjymdarǧa, sarapşylar keŋesıne, körermenderge alǧysyn jetkızdı.
– Bır aptanyŋ kölemınde elorda äkımdıgıne qaraityn 6 teatr, respublikalyq 4 teatr, jekemenşık 2 teatr, Reseiden kelgen 2 teatr bırlesıp, otyzǧa juyq qoiylymdy ūsyndy. Oǧan elorda tūrǧyndary men qonaqtary, 8 myŋnan astam körermen keldı. Būl festivaldı Mädeniet jäne sport ministrlıgı, qala äkımdıgı bırlese kelesı jyly da ötkızemız be degen nietımız bar. Elorda äkımdıgı tarapynan şyǧarmaşylyq ūjymdardy ärdaiym qoldauǧa daiynbyz, – dedı A.Oralov.
Elımızge belgılı mädeniet pen öner qairatkerlerınen qūralǧan, Qazaqstannyŋ Eŋbek Erı, KSRO jäne Qazaqstannyŋ halyq ärtısı, KSRO jäne Qazaqstannyŋ Memlekettık syilyǧynyŋ laureaty, Qazaqstan Teatrlary qauymdastyǧynyŋ prezidentı Asanälı Äşımov bastaǧan festivaldıŋ saraptamalyq keŋesınıŋ şeşımımen 30 jyldyqqa 30 atalym boiynşa jeŋımpazdar anyqtaldy. Sonyŋ ışınde «Dünie Ǧapyl» qoiylymyn sahnalaǧan Muzykalyq jas körermender teatrynyŋ direktory Ashat Maemirov «Üzdık rejisser» atalymynda top jardy. Jastar teatrynyŋ «Asauǧa tūsau» spektaklı «Üzdık qoiylym» atalymyn ielendı.
«Jūbailar jūmbaǧy» qoiylymyndaǧy rölı üşın Q.Quanyşbaev atyndaǧy Qazaq memlekettık akademiialyq muzykalyq drama teatrynyŋ ärtısı Ainūr Bermūhamedova üzdık aktrisa, «Jarqyn oilar» qoiylymynda Venia rölın somdaǧan M.Gorkii atyndaǧy memlekettık akademiialyq orys drama teatrynyŋ akterı İvan Anopchenko üzdık akter atandy. «Teatr önerınıŋ damuyna qosqan ülesı üşın» syilyǧy Nūr-Sūltan qalasy Quyrşaq teatrynyŋ körkemdık jetekşısı, Qazaqstannyŋ eŋbek sıŋırgen ärtısı, professor Qūralai Eşmūratovaǧa tapsyryldy.
Jabylu saltanatynda teatrlar üzdık qoiylymdarynan üzındılerdı ūsyndy. Al jalpy festival barysynda «Qazaqstannyŋ zamanaui teatr prosesı: mäselelerı men olardy şeşu joldary» atty ǧylymi-praktikalyq konferensiia ūiymdastyryldy. Memlekettık akademiialyq nemıs drama teatrynyŋ körkemdık jetekşısı Nataşa Dubstyŋ akter şeberlıgı boiynşa şeberlık sabaqtary men Leila Mahattyŋ öner körmelerı öttı.
Festival aiasynda S.Obrazsov atyndaǧy memlekettık akademiialyq ortalyq quyrşaq teatry G.H.Andersennıŋ ertegısı jelısımen «Aqqala» ertegısın, K.Gossidıŋ «Turandot» spektaklın, «Ǧajaiyp konsert» baǧdarlamasyn ūsyndy.
