Halyq pen halyqtyŋ qarym-qatynasyn arttyryp, ūlt pen ūlysty ündestıretın, jalpaq jūrtty jaqyndastyratyn, barşamyzdy bır-bırımızben bailanystyratyn basty qūral – tıl. Alaş arysy Ahmet Baitūrsynov HH ǧasyr basynda «Tılı joǧalǧan ūlttyŋ özı de joǧalady» dep kesıp aitqan. Bügınde qoǧamda qordalanyp, talailardyŋ talas-tartysyn tudyryp jürgen eŋ ülken mäsele de osy. Jahandanu däuırınde salt-dästürımızdıŋ sät saiyn sanada jaŋǧyruy, tılımızdıŋ uaqyt köşınen qalmai, örkeniet talaptaryna sai damuy ūltjandy qauymdy alaŋdatatyp otyrǧan mäselelerdıŋ bırı.
Qazaqstan Respublikasy Prezidentınıŋ 1998 jylǧy 20 qaŋtardaǧy Jarlyǧymen qyrküiektıŋ üşınşı jeksenbısı «Qazaqstan halqy tılderınıŋ künı» dep belgılengen. Osyǧan säikes respublika kölemınde qazaq tılın keŋınen nasihattau nazarǧa alynyp, jyl saiyn Qazaqstan halqy tılderınıŋ festivalın ötkızu dästürge ainaldy. Elordamyzdaǧy biylǧy XVI qalalyq tıl festivaldıŋ aşylu saltanaty 5 qyrküiekte «Astana» ūlttyq suret galereiasynda öttı.
Būl şaraǧa ziialy qauym ökılderı, QR Parlament Mäjılısınıŋ jäne Astana qalalyq mäslihatynyŋ deputattary, ardagerler, memlekettık mekemelerdıŋ, ūlttyq-mädeni ortalyqtar men «Memlekettık tıl» qoǧamdyq qozǧalysynyŋ, «Qazaq tılı» qoǧamynyŋ, ükımettık ūiymdardyŋ basşylary, mektep oquşylary men JOO-nyŋ studentterı, Astana qalasyndaǧy 68\665 äskeri bölımınıŋ qūrmet-qarauyl rotasynyŋ sarbazdary qatysty.
Memlekettık tıldıŋ märtebesın asyryp, qoǧamdaǧy rölın arttyru, qoldanys aiasyn keŋeitu, ūlttyq qūndylyqtardy nasihattau maqsatynda ūiymdastyrylǧan merekelık konsertke Q.Quanyşbaev atyndaǧy memlekettık akademiialyq Qazaq muzykalyq drama teatry ärtısterınıŋ qatysyp, ädebi qoiylymdar körsettı. Bauyrjan İsaev, Marjan Arapbaeva, Jaŋabai Ötegenov syndy jas änşıler jiylǧan jūrtşylyqqa äsem äuen tartu ettı. Sondai-aq, «Naz» bi teatrynyŋ bişılerı sahnada qazaqtyŋ körkem biın myŋ būrala bilese, aitystyŋ aqtaŋger aqyndary Balǧynbek İmaşev pen Äsem Erejepqyzy aitysyp, ūltymyzdyŋ ūlaǧatyn, jalpy qazaq ruhaniiatynyŋ kökeikestı mäselelerın jyrlaryna arqau ettı.
Quat Qiyqbai
