Ūlttyq jobalarǧa tüzetuler engızıluı mümkın. Bıraq bölıngen qarajat pen kütıletın nätijesı özgertılmeidı. Qazaqstan Respublikasy Prezidentı Äkımşılıgı basşysynyŋ bırınşı orynbasary Däuren Abaev «Aşyq dialog-2» sūhbatynyŋ kezektı sanynda osyndai pıkır bıldırdı.
«Ūlttyq jobalardyŋ taǧy bır erekşe süzgısı – adamdarǧa baǧyttaluynda. Memleket basşysy būl turaly da aitqan bolatyn. Osynau 10 ūlttyq joba negızgı qoǧamdyq igılık dep aituǧa bolady. Onyŋ ärbır azamatqa qatysy bar. Är azamattyŋ tūrmysyn, ömırıne qanaǧattanu deŋgeiın, bılımı men densaulyǧyn, ekologiiany, memlekettık qyzmetterdı, qauıpsızdıktı, tıptı dastarqandaǧy asymyzǧa deiın osy Ūlttyq jobalar aiqyndaidy. Azamattar būl arqyly Ükımettıŋ äreketterı olardyŋ kündelıktı şyndyǧymen qanşalyqty säikesetının tüsınuı kerek» dedı Prezident Äkımşılıgı basşysynyŋ bırınşı orynbasary.
Sondai-aq ol jobalardyŋ ıske asuyn Prezident Äkımşılıgı qadaǧalap, qajet bolsa Prezident tapsyrmasymen tüzetuler engızılıp otyratynyn aitty. «Bırınşıden, Ūlttyq jobalardyŋ ıske asyryluyna Prezident Äkımşılıgı tarapynan da, jobalyq keŋse tarapynan da tūraqty monitoring jürgızıledı. Būl tūrǧyda Ūlttyq jobalar äldeqaida ikemdı qūral deuge bolady. Ondaǧy kez kelgen dünienı özgertuge bolady. Tek kütıletın nätijeler men bölıngen qarajatty ǧana özgertuge bolmaidy. Onyŋ üstıne Ūlttyq jobalardyŋ ıske asuyna jalpy saiasat tūrǧysynan Prezidenttıŋ köŋılı tolmasa, tüzetu engızu üşın tapsyrmalar bere alady. Būl Joldau nemese Ükımettıŋ keŋeitılgen otyrystary aiasynda jariia türde de, jekelegen tapsyrmalar türınde de aityluy mümkın» dep tüsındırdı Däuren Abaev.
