Nūr-Sūltan qalasy Nazarbaev Ziiatkerlık mektebınıŋ 12 «s» synyp oquşysy Sänım Zeiınǧabyl Qazaqstannyŋ resmi eko-ambassadory atandy.
Eko-ambassador – ekologiialyq bastamalar men jobalardy köpşılıkke nasihattaityn maŋyzdy tūlǧa. Tabiǧat janaşyrlaryna ekologiialyq jobalardy ılgerıletuge, ekologiialyq sanany damytuǧa, kündelıktı ömırde ekologiialyq qaǧidalardy ūstanu qajettılıgıne yqpal etu erekşe mındetı jüktelgen.
– Menıŋ jobam – mekteptegı ekologiialyq qozǧalysty damytu, tanymdylyqty arttyru bolatyn. Sondyqtan men eko-klubtyŋ köşbasşysy retınde ötken jyl boiy onlain rejimde köptegen respublikalyq jäne halyqaralyq ıs-şaralardy ötkızdım. Mäjılıs deputaty, ministrlıktıŋ ökılderı, biznes ökılderı, Qazaqstandaǧy ekologiiany negızdegen ökıldermen jūmys atqardym. Halyqaralyq ıs-şaradan keiın ministrlık ökılderı jasalǧan jūmysty eskere otyryp, mekteptıŋ ūsynysymen menı Qazaqstan Respublikasynyŋ resmi Eko-Ambassadorlyǧyna ūsyndy, – dedı Sänım Zeiınǧabyl.
Jas tabiǧat janaşyrynyŋ aituynşa, adam qorşaǧan ortanyŋ tazalyǧy üşın jauapkerşılıktı özıne alyp, elektr energiiasyn, sudy ünemdeu, ekologiialyq tūrǧyda, taza önımdı qoldanu siiaqty qarapaiym erejelerdı saqtai bıluı qajet. Būl tūsta, Nazarbaev Ziiatkerlık mektepterı eko belsendılerdı ünemı qoldau üstınde.
BŪŪ-nyŋ Adam qūqyqtary jönındegı Joǧarǧy komissary Mişel Bachelettıŋ aituynşa, jyl saiyn qolaisyz ekologiialyq jaǧdailardyŋ, äsırese, aua men sudyŋ lastanuynyŋ saldarynan bes jasqa deiıngı 1,7 million bala qaitys bolady. Būl – bükıl älemdegı balalar arasyndaǧy ölımnıŋ törtten bır paiyzy.
