Qazaqtyŋ bırtuar ūly, akademik Qanyş Sätbaevtyŋ tuǧanyna 125 jyl toluyna orai Astana qalasynyŋ kıtaphanalarynda «Däuır aiasyndaǧy portret», «Älemge äigılı Qanyş Sätbaev», «Ūltynyŋ ūly perzentı» atty kıtap körmesı qoiyldy.
Körmege qoiylǧan materialdar men qūjattarda akademiktıŋ ömır joly, qyzmetı, ǧylymǧa sıŋırgen eŋbegı retımen tanystyryldy. Sätbaevty Qazaqstandaǧy tarihi oqiǧalardyŋ, patşalyq Reseidıŋ bır kezderı artta qalǧan şetkı aimaqtarynyŋ ozyq industriialyq-agrarlyq respublikaǧa ainalǧanyn körsetetın belsendı qatysuşysy retınde körsetedı. Mūnda hronologiialyq tärtıpte ömırı men qyzmet şejıresı, materialdar jinaqtary ūsynyldy.
Kıtaphanalardyŋ oqu zaldarynda ötken eŋ qyzyqty ıs-şaralar – №3 köpşılık kıtaphanasynyŋ «Tūŋǧyş qazaq akademiiasy» tärbie saǧaty, №4 balalar kıtaphanasynyŋ «Qanyş Sätbaev – Ūly dalanyŋ ūly perzentı» atty keş, «Qazaqtyŋ ūly ǧalymy – Qanyş Sätbaev» atty №2 būqaralyq kıtaphananyŋ aşyq sabaǧy. Onda kıtaphana qyzmetkerlerı akademiktıŋ kıtaphanalar kıtap qorlaryndaǧy saqtalǧan bai da qaitalanbas epistoliarlyq mūrasyna süiene otyryp, Qanyş İmantaiūlynyŋ ǧylym men bılımdı nasihattaǧan erekşe talantyn, onyŋ jan-jaqty publisistık qyzmetı turaly äŋgımeledı. Sondai-aq qalamyzdyŋ orta mektepterındegı 10-synyp oquşylary ūiymdastyryp, oqyrmandardyŋ qyzyǧuşylyǧyn oiatqan ıs-şaralar airyqşa baǧalandy. №8 balalar kıtaphanasynda ötken «Qanyş Sätbaev – elınıŋ perzentı, Otanynyŋ azamaty» atty oqu konferensiiasy, ortalyq qalalyq auruhananyŋ qyzmet körsetu bölımınıŋ «Qanyş Sätbaevtyŋ ūly mūrasy» atty adamgerşılık sabaǧy, ortalyq balalar men jasöspırımder kıtaphanasynyŋ «Qazaq arheologiiasynyŋ bäiteregı» tarih sabaǧy, №9 köpşılık kıtaphanasynyŋ «Ūly ǧalym fenomenı» ädebi sabaǧy, taǧy basqa ıs-şaralardyŋ taǧylymdyq mänı zor boldy.
Keşke qatysuşylar Qanyş Sätbaevty körnektı geolog, ülken jürektı ǧalym retınde ǧana emes, öz däuırınıŋ ırı oişyly, qoǧam qairatkerı retınde tanydy. Qanyş Sätbaevtyŋ eŋbek joly men ömır joly – bügınde ömırın geologiia, metallurgiia, tau-ken önerkäsıbı salalarymen bailanystyrǧysy keletın jastarǧa ülgı.
