Statistikalyq derekterge säikes bügınde Astanada 14 pen 29 jas aralyǧyndaǧy 220 myŋ adam tūrady. Qala halqynyŋ 22 paiyzyn qūraityn jastardyŋ bastamalaryna biyl 200 million teŋge bölındı. Būl turaly qalalyq äkımdıkte ötken baspasöz mäslihatynda Jastar saiasaty mäselelerı basqarmasy basşysynyŋ mındetın atqaruşy Erbol Ryspaev mälımdedı.
Onyŋ aituynşa, basqarmanyŋ ūiymdastyruymen elordada jyl basynan berı 25-ten asa joba, ūlttyq jäne otbasylyq dästürlerdı nasihattauǧa, jūmyspen qamtu jäne käsıbi baǧdarlauǧa, salauatty ömır saltyna baulyp, erıktıler qozǧalysyn damytuǧa baǧyttalǧan 100-ge juyq ıs-şara ötkızıldı. 2017 jylǧa deiın taǧy 10 ırı jobany jüzege asyru josparlanǧan.
– Jasöspırımderdıŋ şyǧarmaşylyǧyn jetıldırıp, bos uaqytyn tiımdı üilestıru üşın qazırgı kezde Astanada 13 aula kluby jūmys ısteidı. «Erıktıler mektebıne» qatysuşylar da az emes. «Astana jastary» resurstyq ortalyǧynda bügınde 1326 volonter tırkelgen. Olardyŋ 50 paiyzy aǧylşyn tılın bıledı. Erıktıler toby EKSPO-2017 aumaǧynda ǧana emes, qalamyzdaǧy barlyq qoǧamdyq, mädeni şaralarǧa atsalysady, – deidı Erbol Ryspaev.
Al «Astana jastary» KMM basşysynyŋ orynbasary Jazira Edıgenovanyŋ sözınşe, jastar aiyna bır ret käsıbi baǧdarlauǧa qatysty aptalyq treningten ötedı. Aldaǧy jyly ortalyq treningterdıŋ ūzaqtyǧyn üş aptaǧa deiın arttyrudy közdep otyr.
Sonymen bırge, jiynda jastardy jūmyspen qamtu mäselesı söz boldy. Astanalyq jastar arasyndaǧy jūmyssyzdyq körsetkışı bügınde 5,6 paiyzǧa teŋ. Tehnikter, lift jöndeuşıler, tıgınşı, elektromonter, santehnik, meiırbike, kranşy, mūǧalım sekıldı mamandyqtar joǧary sūranysqa ie bolyp otyr.
Mädina JAQYP
