Astana – el ordasy. Astana – elımızdıŋ ainasy. Endeşe, elordamyzǧa kelgen qonaqtar äsem qala Astana arqyly elımızge baǧa bererı sözsız. Al sol qalamyzdyŋ ädemılıgınıŋ ärın būzyp tūratyn jaittar köŋılge kırbıŋ tüsıretını belgılı. Osyndai jaǧdailar elordada älı de tolastamai keledı. Solardyŋ bırsypyrasyna toqtalyp ötsek.
Qalaǧa kırıp kele jatqan baǧyt körsetuşıde Tūran daŋǧylyn – Turan dep baǧyttauda.
Bögenbai batyr daŋǧylynyŋ boiynda ornalasqan «Syrdariia» sauda ortalyǧy atauynyŋ «y» ärpınıŋ jartysy tüsıp, «r», «d» ärıpterınıŋ syry köşıp, sauda ortalyǧy «auda ortal ǧy» dep tūrǧanyna bıraz uaqyt boldy. Al osyǧan qarsy bettegı «Elektr qozǧa ltqyştaryn jöndeudegı» «o» ärpınıŋ orny oisyrap-aq tūr.
Memleket jäne qoǧam qairatkerı Jūmabek Täşenov atyndaǧy köşe Täşenov emes, Taşenov bolyp jazylǧan. «Jüre berseŋ, köre beresıŋ» degen ras eken. Osy köşede astanalyqtardy aua baptaǧyştarmen emes, «aubaptaǧyştarmen» «baptaityndar» bar eken. Jaz boiy «au baptaǧandar» älı de özderınıŋ qatelıgın tüzer emes.
Astana qalasy Tötenşe jaǧdailar departamentınıŋ jyrymy şyǧyp, tozyǧy jetken jarnamasynda «tyǧyŋdar» degen söz «tyǧyndar» dep jazylyp tūrǧanyna köp aidyŋ jüzı boldy.
Jeŋıs daŋǧylynyŋ boiyndaǧy «Astana» qonaq üiınıŋ atauy körıner-körınbes bolyp, qonaq üi – qonaq ui bolyp qor boluda.
Osy daŋǧyldaǧy taǧy bır jarnamada kır juatyn üi jabdyqtary – ūi jabdyqtary bolyp qate körsetılgen.
Y.Dükenūly köşesındegı kölık juu beketı «kölık jüü» dep qate jazylǧan.
Qaladaǧy jarnamalarda jazylǧan qatelıkter köbıne qazaqtıldı jarnamalarda kezdesedı. Sondyqtan, aldaǧy uaqytta jarnamalarda qazaq ärıpterın öz ornymen jazatyn uaqyt jettı.
Oljas SÜLEIMENOV
