Eŋbek jäne halyqty äleumettık qorǧau ministrı Tamara Düisenova Resei azamattaryna jūmys ısteuge şekteu qandai jaǧdaida qoiylatynyn tüsındırdı. Onyŋ aituynşa, EAEO şartyna säikes, reseilıkterdıŋ Qazaqstanda erkın jürıp, rūqsatsyz jūmys ısteuıne qūqyǧy bar.
Işkı ıster ministrlıgınıŋ mälımetınşe, keibır reseilıkter Qazaqstanǧa kelıp, bırden (basqa elge, – avtor) ketıp jatyr. EAEO şartyna säikes, qazaqstandyqtar atalǧan odaqqa müşe elderde rūqsatsyz jūmys ıstei alady. Mıne, tura osy siiaqty reseilıkterdıŋ bızde rūqsatsyz eŋbek etuge mümkındıgı bar. Alaida olar Qazaqstannyŋ ūlttyq qauıpsızdıgıne qauıp töndırse, tiıstı salalarda jūmysqa qabyldauǧa şekteu qoiylady, – dedı ministr Mäjılıs otyrysynan keiın jurnalisterdıŋ saualyna jauap bergen sätınde.
Tamara Düisenova eldegı qauıpsızdık mäselesıne Ūlttyq qauıpsızdık komitetı jauap beretının atap ötıp, reseilıkterge Qazaqstanda jūmys ısteuge qandai jaǧdaida şekteu qoiylatynyn tüsındırdı. «Eŋbek naryǧyna toqtalaiyn. Qazır Qazaqstanda 8,7 mln adam jūmys ıstep jür. Onyŋ 90%-ynan astamy Reseiden kelıp jūmys ıstese, onda olardy jūmysqa qabyldau toqtatylady. Bügınde reseilıkterge jūmys tauyp beru turaly tapsyrma berılgen joq. Mūndaǧy mäsele Qazaqstannyŋ halyqaralyq şarttardy tolyq oryndauyna qatysty. Būl – mındet» dedı vedomstvo basşysy.
Sondai-aq ol elımızde qanşa reseilık jūmys ısteuge niet bıldırgenıne qatysty derekke toqtaldy. «Keşe men sızderge 6508 adam jūmys ısteuge niet bıldırgenı turaly aittym. Bügın olardyŋ sany 5300 adam boldy, demek 1200-ge azaidy. Tiıstı normadan asyp ketse, bız şekteu engızu mäselesın qarastyramyz. Qazır sandar kün saiyn özgerıp jatyr» dedı Tamara Düisenova.
