«Асырауында үй жануарлары бар қала тұрғындары ауланы, кіреберісті, баспалдақ алаңын, лифтіні, балалар алаңын, жаяу жүргіншілер жолын, скверлер мен саябақтарды, демалыс аймағын ластамау керек» делінген жақында ғана Астана қаласының мәслихаты шешімімен күшіне енген «Ит пен мысықтарды серуендету және асырау ережесі» талаптарында.
Сондай-ақ, серуендету кезінде иелері иттеріне тұмылдырық тақпаса, оны қолына ұстап, қарғыбауды қадағаланатын қашықтыққа дейін ұзарта алады.
Сонымен қатар, ит пен мысықтың иелері мына талаптарды ескергені жөн:
– асырауындағы үй жануарлары айналадағы адамдардың мазасын алып, қауіп төндірмеуін қамтамасыз етуі қажет;
– итті кәсіпорындардың аумағында, мекемелерде, бағбандық бақта немесе саяжайларда, коммерциялық емес бірлестіктерде, азаматтардың демалыс базаларында, байлаулы (алайда иттің байлауы тағам мен суға еркін жететіндей болуы, табиғи қажеттіліктеріне кедергі келтірмеуі керек) немесе жабық металл торда (вольер) ұстаған жөн.
Иттер адамдарды қауып алмайтындай қоршаулы аумақта ұстаулы тиіс.
Ит бар жердің кіреберісіне көлемі 20-30 см тақтайшаға иттің суреті салынып, «Ит күзетеді! Охраняется собакой!» деген ескерту жазылуы керек.
Таңатар ТӨЛЕУҒАЛИЕВ
