دەنساۋلىق ساقتاۋدى دامىتۋدىڭ رەسپۋبليكالىق ورتالىعى تاراتقان مالىمەت بويىنشا, 2012 جىلى ەلوردادا تىركەلگەن سىرقات سانى ءوتكەن جىلمەن سالىستىرعاندا 6,4 پايىزعا ازايىپتى.
ايتالىق, قان اينالىمى جۇيەسىنىڭ كىناراتىمەن شاعىمدانعاندار – 20 پايىزعا, ونىڭ ىشىندە جۇرەكتىڭ يشەميالىق اۋرۋلارى – 56 پايىزعا, قان قىسىمىنىڭ جوعارىلاۋى 13,2 پايىزعا كەمىگەن.
ال, تۋبەركۋلەزگە شالدىققاندار – 21,3 پايىزعا, پسيحيكالىق اۋىتقۋعا ۇشىراعاندار – 2 پايىزعا, قاتەرلى ىسىك – 1 پايىزعا, انەميا 9,2 پايىزعا از تىركەلىپتى.
مۇنداي كورسەتكىشكە قول جەتكىزۋىمىزدىڭ باستى سەبەبى – ەلوردالىقتاردىڭ دەنساۋلىق جاعدايىن جاقسارتۋ ءۇشىن ۇدايى جۇرگىزىلەتىن سكرينينگتىك تەكسەرۋلەر مەن مەديتسينالىق كومەكتىڭ ساپاسىنىڭ ارتۋى.
اتالمىش ورتالىقتىڭ مالىمەتى بويىنشا, استانادا ءولىم كورسەتكىشى دە ازايعان. ماسەلەن, قان اينالىمى جۇيەسىنەن كوز جۇمعاندار سانى – 22 پايىزعا, تۋبەركۋلەزدەن – 25,5 پايىزعا, قاتەرلى ىسىكتەن كەلەتىن ءولىم كورسەتكىشى 10 پايىزعا تومەندەپتى.
