استانا قالاسىنىڭ پروكۋراتۋراسى اتا-انالارعا بالالاردىڭ تەرەزەدەن قۇلاۋ قاۋپى تۋرالى ەسكەرتىپ بىرنەشە ۇسىنىس ايتتى, دەپ حابارلايدى astana-akshamy.kz
«قۇرمەتتى اتا-انالار! بالالاردىڭ تەرەزەدەن قۇلاۋىمەن بايلانىستى جازاتايىم وقيعالاردىڭ سانى ازايمايدى, اسىرەسە جاز مەزگىلىندە.
بالالاردىڭ ءومىرى مەن دەنساۋلىعىن ساقتاۋ – ەرەسەكتەردىڭ باستى مىندەتى.
سوندىقتان ءبىز سىزدەردەن بالالارعا ەرەكشە نازار اۋدارۋدى, ولاردى قاراۋسىز قالدىرماۋدى, تەرەزەلەردى اشىق قالدىرماۋدى, تەرەزەلەردىڭ جانىنا جيھاز قويماۋدى, تەرەزەلەردى قۇلىپتاۋدى قامتاماسىز ەتۋدىڭ ءارتۇرلى قۇرالدارىن قولدانۋدى سۇرايمىز. ءسىزدىڭ قىراعىلىعىڭىز بەن قاراپايىم ەرەجەلەردى ساقتاۋ ءبىزدىڭ بالالارىمىزدىڭ ءومىرىن ساقتاپ قالۋعا جانە قاۋىپ-قاتەردەن اۋلاق بولۋعا كومەكتەسەدى», – دەدى ەلوردالىق پروكۋراتۋرا.
جازاتايىم وقيعالاردى بولدىرماۋ ءۇشىن پروكۋراتۋرا اتا-انالارعا كەڭەس بەرەدى:
– تەرەزەلەرگە بلوكاتورلار مەن تورلاردى ورناتىڭىز;
– بالالاردى باقىلاۋدا ۇستاۋ جانە تەرەزەگە كىرۋ ايماعىنان جيھازدى الىپ تاستاۋ;
– بالالارمەن قاۋىپسىز مىنەز-قۇلىق ەرەجەلەرى تۋرالى اڭگىمەلەر جۇرگىزۋ.
قاداعالاۋ ۆەدومستۆوسىندا اتا-انالاردىڭ نازارىن بالالاردىڭ جول قوزعالىسى ەرەجەلەرىن (جقە) ساقتاۋىنا اۋداردى.
«بالالارعا جولدى كەسىپ ءوتۋ, جاياۋ جۇرگىنشىلەر وتكەلدەرى مەن باعدارشامداردى پايدالانۋ كەزىندە ساق بولۋدىڭ ماڭىزدىلىعىن ءتۇسىندىرىڭىز. ولاردى كوشەدەن وتپەس بۇرىن ەكى جاققا قاراۋعا جانە كولىك قۇرالدارىنا مۇقيات بولۋعا ۇيرەتىڭىز. جول ەرەجەلەرىن ساقتاۋ قاۋىپتى جاعدايلاردى بولدىرماۋعا جانە بالالاردىڭ جولداعى قاۋىپسىزدىگىن قامتاماسىز ەتۋگە كومەكتەسەدى», – دەپ ەسەپتەيدى پروكۋراتۋرا.
