بەلارۋس ورتالىعىنىڭ باسشىسى مەملەكەتتىك ءتىلدىڭ جان-جاقتى دامۋى تۋرالى ايتتى

استانادا پرەزيدەنتتىڭ توراعالىعىمەن قازاقستان حالقى اسسامبلەياسىنىڭ ءXXXIIى سەسسياسىنىڭ «بىرلىك. جاسامپازدىق. پروگرەسس» وتىرىسى ءوتتى, دەپ حابارلايدى astana-akshamy.kz

ەتنومادەني بىرلەستىكتەردىڭ وكىلدەرى قحا سەسسياسى تۋرالى پىكىرىمەن ءبولىستى, سونداي-اق مەملەكەت باسشىسىنىڭ باستامالارىن قولدادى.

«راديما» بەلارۋس ورتالىعىنىڭ توراعاسى دميتري وستانكوۆيچ پرەزيدەنت قوزعاعان ءتىل ماسەلەسىن ەرەكشە اتاپ ءوتتى.

«قحا-نىڭ بۇگىنگى سەسسياسىندا مەملەكەت باسشىسى كوپتەگەن ەلدەر ءۇشىن ءتىل ماسەلەسى وزەكتى بولعانىن جانە بولىپ قالا بەرەتىنىن اتاپ ءوتتى. تاريحي تاجىريبە كورسەتكەندەي, ونىڭ ءساتتى شەشىمى كوبىنەسە ەلدەگى قوعامدىق-ساياسي جاعدايدىڭ تۇراقتىلىعىن انىقتايدى. قازاقستاندا دا بۇل وتە نازىك تاقىرىپ. سوندىقتان بۇل سالادا ستراتەگيالىق ۇستامدىلىق پەن توزىمدىلىكتى كورسەتۋ كەرەك. بىراق بۇل مەملەكەتتىك ءتىلدىڭ جان-جاقتى دامۋىنا كوپ كوڭىل ءبولۋدى جوققا شىعارمايدى. ءبىزدىڭ كوپتەگەن وتانداستارىمىز, ءتۇرلى ەتنوستاردىڭ وكىلدەرى قازاق ءتىلىن جاقسى بىلەدى جانە ونى قوعامدىق ومىردە بەلسەندى قولدانادى», – دەدى دميتري وستانكوۆيچ.

ول سونداي-اق مەملەكەت ءارتۇرلى ەتنوستار وكىلدەرىنىڭ جەتىستىكتەرىن ۇنەمى اتاپ ءوتىپ, كوتەرمەلەيتىنىن اتاپ ءوتتى.

«بۇگىن پرەزيدەنت ونى زەردەلەۋگە جانە ناسيحاتتاۋعا زور ۇلەس قوسقان قازاق ءتىلى مۇعالىمدەرىنە جوعارى ناگرادالار تابىس ەتتى», – دەدى سپيكەر.