ەڭبەك ەتكەننىڭ ەسەبى تۇگەل
«جاستار» سارايىندا استانا قالاسىنىڭ اكىمدىگىنە قاراستى جۇمىسپەن قامتۋ ورتالىعىنىڭ مۇرىندىق بولۋىمەن بوس ورىندار جارمەڭكەسى ءوتتى. بيىل بەسىنشى رەت ۇيىمداستىرىلىپ وتىرعان بۇل شاراعا ەلوردانىڭ جۇزدەگەن تۇرعىنى كەلدى.
– بۇگىنگى جارمەڭكەگە 60-قا تارتا جۇمىس بەرۋشى قاتىسۋدا. ولار قۇرىلىس, ءبىلىم بەرۋ, دەنساۋلىق ساقتاۋ جانە قىزمەت كورسەتۋ سالالارىنان ۆاكانسيالار ۇسىنادى. سونىمەن قاتار, تەحنيكالىق ماماندىقتارعا سۇرانىس جوعارى. بۇدان بولەك, ىشكى ىستەر ورگاندارىندا دا بوس جۇمىس ورىندارى بار, – دەدى جۇمىسپەن قامتۋ ورتالىعىنىڭ باسشىسى ولجاس ومار.
اتالمىش مەكەمە وكىلدەرىنىڭ ايتۋىنشا, ولاردىڭ جاردەمىنە جۇگىنەتىندەردىڭ 60 پايىزى – قىز-كەلىنشەكتەر. وسى ۇيىمنىڭ كومەگىمەن جىل باسىنان بەرى 2246 ادام جۇمىسقا ورنالاسسا, ونىڭ 1086-سى – ايەلدەر ەكەن. مۇنىمەن قوسا, قوعامدىق جۇمىستارعا تارتىلعان 919 ازاماتتىڭ 620-سى, بىلىكتىلىكتى ارتتىرۋ كۋرستارىنا جىبەرىلگەن 397 كىسىنىڭ 235-ءى, جاستار پراكتيكاسىنا كىرىسكەن 145 تۇلەكتىڭ 221-ءى – نازىك جاندىلار قاتارىنان. قازىرگى كەزدە جۇمىسپەن قامتۋ ورتالىعىنىڭ مالىمەتتەر بازاسىندا جۇمىس ىزدەۋشى ايەلدەرگە ارنالعان 1322 بوس جۇمىس ورنى تىركەلىپتى.
ەلوردادا اعىمداعى جىلى 4 جۇمىس جارمەڭكەسى وتكىزىلگەن, وندا 116 ادام تۇراقتى جۇمىسپەن قامتىلدى. ەندى بيىل الدا 12 جارمەڭكە ۇيىمداستىرىلادى.
بوتاگوز يكراموۆا