گرانت ەسەبىنەن وقيدى
2020-21 وقۋ جىلىندا مەملەكەتتىك تاپسىرىس اياسىندا 13 ماماندىق بويىنشا 139 ورىنعا ەرەكشە ءبىلىم بەرۋگە قاجەتتىلىگى بار بالالاردى قابىلداعان.
ەلوردالىق 22 كوللەدجگە 2020-21 وقۋ جىلىنا ارنالعان مەملەكەتتىك ءبىلىم بەرۋ گرانتى (12 مەملەكەتتىك, 10 جەكە مەنشىك) 4 652 ورىنعا ءبولىندى. ونىڭ ىشىندە جەرگىلىكتى بيۋدجەت ەسەبىنەن – 3 602 ورىن, ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان «ەڭبەك» مەملەكەتتىك باعدارلاماسى بويىنشا 1050 ورىن قاراستىرىلعان.
تاپسىرىس ەكونوميكانىڭ مىناداي سالالار اراسىندا بولىنگەن: ءبىلىم – 865, مەديتسينا, فارماتسەۆتيكا – 250, ونەر جانە مادەنيەت – 165, گەولوگيا – 25, سەرۆيس جانە قىزمەت كورسەتۋ, ماركەتينگ – 1000, ەنەرگەتيكا – 200, كولىك – 245, ءوندىرىس, مونتاجداۋ, تەحنيكالىق قىزمەت كورسەتۋ جانە جوندەۋ – 725, بايلانىس, تەلەكوممۋنيكاتسيا جانە اقپاراتتىق تەحنولوگيالار – 700, قۇرىلىس, كوممۋنالدىق شارۋاشىلىق, ەكولوگيا – 477.
2020-21 وقۋ جىلىندا مەملەكەتتىك تاپسىرىس اياسىندا 13 ماماندىق بويىنشا 139 ورىنعا ەرەكشە ءبىلىم بەرۋگە قاجەتتىلىگى بار بالالار قابىلدانعان.
تجكب ۇيىمدارىنىڭ 2020-21 وقۋ جىلىنا قابىلداۋ جوسپارى 8 مىڭ ادامدى قۇرايدى. ەلوردالىق 33 كوللەدج تەحنيكالىق جانە كاسىپتىك ءبىلىم بەرىپ, 26 مىڭ ستۋدەنتتى قامتىپ وتىر. سونىڭ ىشىندە 14 مىڭنان اسا ستۋدەنت مەملەكەتتىك گرانتتار ەسەبىنەن وقيدى.