بiلiم بەرۋدi دامىتۋدىڭ 2011-2020 جىلدارعا ارنالعان مەملەكەتتiك باعدارلاماسى – ساپالى بiلiمنiڭ بيiك كەڭiستiگi. بۇل ورايدا پەداگوگ مامانداردىڭ مارتەبەسiن, كاسiبي بiلiكتiلiگiن ارتتىرۋ ايرىقشا نازارعا الىنىپ وتىر.
بiلiم بەرۋ جۇيەسiندەگi رەفورمالار, وزگەرiستەر ءار پەداگوگتىڭ جاڭاشا ويلاۋىنا, تىڭ يدەيالارىمەن بiلiم جۇيەسiن جەتiلدiرۋiنە باستاۋشى كۇش. ءداستۇرلi بiلiم بەرۋدە بiلiكتi مامان دايارلاۋ كاسiبي بiلiم بەرەتiن وقۋ ورىندارىنىڭ نەگiزگi ماقساتى. بۇل وقۋ ورىندارىنا جۇكتەلگەن مiندەت ماماندىقتى يگەرتۋ عانا ەمەس, حالىقارالىق تالاپتارعا ساي كادر دايارلاۋ, باسەكەگە قابiلەتتi تۇلعانى شىڭداۋ بولىپ وتىر.
بiلiم ساپاسىن ارتتىرۋ ءۇشiن باستاۋىش سىنىپ مۇعالiمدەرiنە جۇكتەلگەن مiندەت كوپ. مۇعالiم وقۋشىعا ۇنەمi شىعارماشىلىق قابiلەتiن دامىتۋ جولدارىن نۇسقاي وتىرىپ, ولاردى iزدەنiسكە باۋليدى. بالانى جاستايىنان شىعارماشىلىققا باعىتتاۋ ءۇشiن ۇستاز, ەڭ الدىمەن, سىنىپتا شىعارماشىلىق كوڭiل-كۇي تۋدىرۋ قاجەت. مۇندايدا جاتتىعۋلار, ويىن, قىزىقتى تاپسىرمالار جەتكiنشەكتەردiڭ جاس ەرەكشەلiگiنە, قىزىعۋ-شىلىعىنا ۇيلەسۋi كەرەك.
مۇعالiمنiڭ مiندەتi – بالا ءوز شىعارماشىلىعىن شىڭداعانعا دەيiن ونى نازارىنان تىس قالدىرماۋ قاجەت. پسيحولوگتار قابiلەتتiلiك تۋا بiتكەن قاسيەت ەمەس, ول تiكەلەي ارەكەت ارقىلى داميدى دەگەن بولجام ايتادى. بiراق, مەكتەپ تابالدىرىعىن اتتاعان بۇلدiرشiننەن شىعارماشىلىق iس-ارەكەت تالاپ ەتپەس بۇرىن, الدىمەن ۇيرەتۋ قاجەت. ياعني, تاپسىرمانى جەڭiلدەن كۇردەلiگە تۇرلەندiرiپ بەرگەن دۇرىس. مىسالى «سيقىرلى بۋىندار», «قاي ءارiپ جوق؟», «ۇيقاس سوزدەر», «قاي ءسوزدi جوعالتتىم؟» سىندى ويىندار, جۇمباق شەشۋ, سۋرەت بويىنشا اڭگiمە ايتقىزۋ, سۇراققا جاۋاپ الۋ, اڭگiمە مازمۇنى بويىنشا سۇراق قويعىزۋ سىندى تاپسىرمالار ورىنداۋدان باستالسا.
باستاۋىش سىنىپتا انا تiلi جانە قازاق تiلi ساباعىندا ۇتىمدى ۋاقىت تاۋىپ, شىعارماشىلىق جۇمىس تۇرلەرiن جۇرگiزۋگە بولادى. باستاۋىش سىنىپ وقۋشىلارىنىڭ قيالى ادەتتەگiدەن تىس, ەرەكشە. ەستiگەن اڭگiمە, ەرتەگiلەر جەلiسiمەن ءوزi دە ەرتەگi قۇراستىرا الادى. مۇعالiم اڭگiمە, ەرتەگiنi باستاپ بەرiپ, اياقتاۋدى وقۋشىعا تاپسىرۋعا دا بولادى.
ساباقتان تىس ۋاقىتتا وقۋشىنىڭ iزدەمپازدىعى ونىڭ ءتۇرلi كەزدەسۋلەردەن, ساياحاتتاردان, جۋرنالداردان العان اسەرلەرiن اڭگiمەلەۋدە, شىعارما ەتiپ جازعاندا كورiنiس تابادى.
وقۋشىنىڭ شىعارماشىلىعىنا باعىت-باعدار بەرۋدi ەڭ العاش بiلiم مازمۇنىنا ەنگiزگەن ماعجان جۇماباەۆ بولاتىن. ول بالالاردىڭ ويلارىن دامىتۋ تۋرالى «ويلاۋ جاننىڭ وتە بiر قيىن, تەرەڭ iسi» دەپ اتاپ كورسەتكەن.
پەرنەكۇل قاحارمانوۆا,
باستاۋىش سىنىپ مۇعالiمi
