ءۇشىنشى جەو ىسكە قوسىلادى
2023 جىلدىڭ سوڭىنا دەيىن استاناداعى نەگىزگى ۇزاق مەرزىمدى قۇرىلىس نىسانىنىڭ ءبىرى – №3 جىلۋ-ەلەكتر ورتالىعى پايدالانۋعا بەرىلەدى دەپ جوسپارلانۋدا.
بۇل تۋرالى ۇكىمەتتە وتكەن ءباسپاسوز ءماسليحاتىندا پرەمەر-مينيستر ءاليحان سمايىلوۆ مالىمدەدى.
«2023 جىلدىڭ سوڭىنا دەيىن ءبىرىنشى كەزەكتە №3 جەو پايدالانۋعا بەرىلسە, الماتىدا №2, 3 جەو-نى گازعا كوشىرۋ جۇمىسى جۇرگىزىلەدى. وندا «سامۇرىق-ەنەرگو» اق قۇراما تسيكلدى زاۋىتتار سالۋدا, قۋاتتىلىق ارتادى, بىراق ەكولوگيالىق ماسەلەلەر دە شەشىلەدى» دەدى ءا.سمايىلوۆ.
جالپى ەلورداداعى №3 جەو-نىڭ قۇرىلىسىن تەزدەتىپ اياقتاۋ ماڭىزدى. ويتكەنى استانادا تۇرعىن ءۇي قۇرىلىسى جىلدان-جىلعا ارتىپ, الەۋمەتتىك نىساندار بوي كوتەرۋدە. ونىڭ ۇستىنە, ەلدىڭ ساياسي ورتالىعىندا قىس التى ايعا سوزىلاتىنىن ەسكەرسەك, وندا جىلىتۋ ورتالىعىنىڭ ماڭىزىن تۇسىنۋگە بولادى