«ءۇيدىڭ اۋىز ءۇيى»
قازىرگى تاڭدا ەلىمىزدە كەڭىنەن تالقىلانىپ جۇرگەن ماسەلەلەردىڭ ءبىرى – لاتىن الىپبيىنە كوشۋ ماسەلەسى. بۇل تۋرالى ەلباسى ن.نازارباەۆ «قازاقستان-2050» ستراتەگياسى: قالىپتاسقان مەملەكەتتىڭ جاڭا ساياسي باعىتى» اتتى جولداۋىندا «ءبىز 2025 جىلدان باستاپ ءالىپبيىمىزدى لاتىن قارپىنە, لاتىن الىپبيىنە كوشىرۋگە كىرىسۋىمىز كەرەك. بۇل – ۇلت بولىپ شەشۋگە ءتيىس ءپرينتسيپتى ماسەلە» دەگەن بولاتىن.
شىنىندا دا, بۇل ىسكە ۇلكەن جاۋاپكەرشىلىكپەن قاراپ, ءبىر شەشىمگە كەلەتىن ۋاقىت جەتكەندەي. ايتپەسە, ءتول ارىپتەرىمىز قاشانعى قاعاجۋ كورە بەرمەك. بۇدان بۇرىن دا جارنامالارداعى قازاق ءارىپتەرىنىڭ جازىلۋىنداعى قاتەلىكتەردى جازعان بولاتىنبىز. قانشا جازساق تا, قورىتىندى شىقپاعانداي. دەگەنمەن, تاعى دا كوزىمىزگە شالىنعان تاعى بىرقاتارىنا توقتالعاندى ءجون كوردىك.
پۋشكين كوشەسىندەگى «تەحنيكالىق بايقاۋ» دەپ بادىرايىپ تۇرعان جارنامادا «ق» ءارپىنىڭ ورنىنا «ك» ءارىپى جازىلسا, وسى كوشەدەگى «دۇكەن» ءسوزى «دۋكەن» بولىپ قاتە جازىلعان. ال, جەڭىس داڭعىلىنىڭ بويىنداعى ءبىر ساۋدا ءۇيىنىڭ ماڭدايشاسىنداعى «كىر جۋاتىن ءۇي جابدىقتارى» دەپ جازىلاتىن سويلەم «ۇي جابدىقتارى» بولىپ تۇرعانىنا ءبىراز ۋاقىت بولدى. قاجىمۇقان كوشەسىندەگى اۋدارما دۇرىس ەمەس. «دوموۆايا كۋحنيا» دەگەن ءسوز «ءۇي اسحاناسى» دەپ اۋدارىلعانى دۇرىس ەدى. ال, ونىڭ ورنىنا «ءۇيدىڭ اۋىز-ءۇيى» دەپ جازىلىپ تۇر.
تۇيىندەپ ايتارىمىز, قازاق تىلىندە, ياعني, مەملەكەتتىك تىلدە جازىلعان جارنامالىق سوزدەردىڭ قاتە جازىلماۋىن جونگە كەلتىرۋ ءۇشىن الدىمەن مەكەمە-كاسىپورىن باسشىلارىنىڭ جاۋاپكەرشىلىگىن ارتتىرۋ, اكىمشىلىك جازانى كۇشەيتۋ قاجەت-اق. ايتپەسە, جازدىڭ نە, جازبادىڭ نە, قاتە جازۋلاردان ارىلمايتىنىمىز انىق.
ولجاس بادىرۇلى