استانا قالاسى اكىمدىگىنىڭ جۇمىسپەن قامتۋ, ەڭبەك جانە الەۋمەتتىك قورعاۋ باسقارماسىنا قاراستى №4 بولىمشە قىزمەتىنە العىس ايتۋشىلار از ەمەس. ءبولىمشە ءى جانە ءىى توپتاعى مۇگەدەكتەرگە, ەگدە جاستاعى قاريالارعا الەۋمەتتىك كومەك كورسەتۋمەن اينالىسادى.
بۇگىندە مۇندا 8 قىزمەتكەر 63 ادامعا كۇتىم جاسايدى. جاردەمدەسۋدىڭ بۇل ءتۇرى ارناۋلى الەۋمەتتىك قىزمەت كورسەتۋ ستاندارتىنا ساي جۇرگىزىلەدى. تاماق جاساپ, ىدىس جۋىپ, ءۇي جيناۋ سەكىلدى تۇرمىستىق شارۋالاردى دەنساۋلىعى كوتەرمەيتىندىكتەن, الەۋمەتتىك قىزمەت ءتۇرىن پايدالانۋشى قارتاڭ تارتقان اتا-اجەلەر بۇل يگى ءىستى قۋانا قابىلدايدى.
وسى سالادا بىرنەشە جىلدان بەرى جۇمىس جاساپ كەلە جاتقان گۇلبارشىن شۋحانوۆا جاقىندا ولگا دمۋحايلونىڭ ءۇي شارۋاسىنا قولعابىس ەتتى. تۇسكى اس كەزىندە ىستىق تاماعىن دايىنداپ, شايىن بەردى. بولمەلەردىڭ تازالىعىن رەتكە كەلتىردى. ونىمەن قويماي, اجەنى اڭگىمەگە تارتىپ, رۋحاني دەمەۋ بولدى. ونىڭ قامقورلىعى مەن كومەگىنە ولگا اجەي ءدان ريزا بولىپ وتىر.
ال, 2014 جىلدان بەرى الەۋمەتتىك كومەككە ءزارۋ ەۆگەنيا وۆسەەۆانىڭ جەڭىلدىكپەن الاتىن ءدارى-دارمەگىن قىزمەتكەرلەر ءدارىحانادان ۋاقىتىندا جەتكىزىپ بەرەدى.
مۇنداي جاعىمدى مىسالدار جەتەرلىك. ماسەلەن, وتكەن اپتادا №4 بولىمشەنىڭ قىزمەتكەرى اسەم شاياحمەتوۆا ۇلى وتان سوعىسى قاتىسۋشىلارىمەن تەڭەستىرىلگەن انتون ساۆيتسكيدى №2 ەمحانانىڭ سۋردولوگ دارىگەرى قابىلداۋىنا تىركەتىپ, باسقا دا قاجەتتى مەديتسينالىق تەكسەرۋدەن وتكىزدى.
ءمادينا جاقىپ
