«Auzyndaǧy saǧyzyn laqtyryp tastaǧandardy ūstap, sausaq taŋbalaryn alyŋdar. Aldymen eskertu jasaŋdar. Ekınşı ret qaitalasa aiyppūl salu kerek. Üşınşı ret ūstalsa, üş künge qamaŋdar»…
Memleket basşysynyŋ elorda tazalyǧyn saqtauǧa qatysty būl tapsyrmasynyŋ aitylǧanyna attai alty ai boldy.
Tärtıp saqşylaryna qaratyp aitylǧan tapsyrma qanşalyqty oryndalyp jür? Köşe tazalyǧyn saqtamaǧany üşın qolyna kısen kigen jan bar ma? Qarapaiym halyqtyŋ būǧan degen közqarasy qandai?
QALA TAZALYǦYN SAQTAMAǦANDAR QANDAI JAZAǦA TARTYLYP JÜR?
Qūralai QARİNA, Astana qalasy IID Äkımşılık polisiia basqarmasynyŋ bölım bastyǧy:
Jyl basynan berı Äkımşılık qūqyq būzuşylyq turaly kodekstıŋ 330-babynda körsetılgendei, ūsaq būzaqylyqqa qatysty 2232 hattama toltyryldy. Hattama negızınde tiıstı aiyppūldar salyndy, sonymen qatar, 64 adam qamauǧa alyndy.
Al, abattandyru erejesın būzuşylyqqa, iaǧni qala tazalyǧyn saqtamaǧan jeke tūlǧalar men mekemelerge qatysty osy uaqyt aralyǧynda 11 511 ıs tırkeldı.
Ümıt BEKJANOVA, Ǧylymi saraptama jäne taldau institutynyŋ audarmaşysy:
Köşe tazalyǧyn saqtamaǧandardyŋ zaŋ aldynda jauap bergenderın körıp te, estıp te jürmın. Bır tanysym aialdamada tūryp sömkesındegı qoqysyn jerge tastaǧany üşın aiyppūl tölep, äreŋ qūtyldy. Eger, köpşılık orynda tazalyq saqtauǧa adamnyŋ özdıgınen sanasy jetpeidı eken, ony zaŋmen tärbieleuden özge jol joq.
Kezınde eŋ kriminaldy bolyp sanalatyn Amerikanyŋ bır qalasynda osy täsıldı qoldanypty ǧoi. Kündelıktı ömırde baiqala bermeitın osyndai ūsaq-tüiek qylmystardy joiu arqyly qalany tärtıpke keltırgen. Zaŋnyŋ jūmys ıstegenı de dūrys. Bıraq, däl osy mäselege qatysty menıŋ bır aitarym bar. Halyqty tazalyqqa şaqyrmas būryn, qalany qoqys tastaityn jäşıktermen tolyq qamtamasyz etıp alǧanymyz dūrys siiaqty. Jasyratyny joq, keide äkımdıktıŋ saityna aulasynda qoqys salatyn jäşık jetıspei talai tūrǧyn şyryldap habarlasyp jatady. Tärtıbın ülgıge alyp otyrǧan Amerikada adam köp jüretın qoǧamdyq oryndarda är bes metr saiyn qoqys jäşıgı qoiylady eken. Būl üirenetın ürdıs pe? Ärine!
