Äuejai aiyppūl töleidı
Astana halyqaralyq äuejaiy jolauşylardyŋ taksi qyzmetıne qoljetımdılıgın şektegenı üşın 16 million teŋge töleitın bolady.
Astana qalasynyŋ mamandandyrylǧan audanaralyq äkımşılık sotynyŋ şeşımımen Tabiǧi monopoliialardy retteu jäne bäsekelestıktı qorǧau komitetınıŋ departamentıne «Astana halyqaralyq äuejaiy» AQ-ǧa qatysty şyǧarylǧan 2016 jylǧy 30 nauryzdaǧy nūsqamany zaŋsyz dep tanu jäne joiu turaly ötınış qanaǧattandyrusyz qaldyryldy.
Bäsekelestıktı qorǧau salasyndaǧy zaŋnamasynyŋ būzyluyna departament jürgızgen tergep-tekseruler nätijesınde «Astana halyqaralyq äuejaiy» AQ-nyŋ äreketterınde taksi qyzmetın körsetu üşın Äuejaidyŋ vokzal aldy alaŋyna ötudı şekteude körıngen monopoliiaǧa qarsy zaŋnamany būzu faktılerı bekıtıldı. Äkımşılık ıs qozǧalyp, bäsekelestıktı qorǧau salasyndaǧy zaŋnama normalarynyŋ būzyluyn joiu turaly nūsqama şyǧaryldy.
Astana qalasynyŋ mamandandyrylǧan audanaralyq äkımşılık sotynyŋ qaulysymen «Astana halyqaralyq äuejaiy» AQ-ǧa monopoliialyq qyzmettı jüzege asyru nätijesınde alynǧan kırıstıŋ 5 paiyzy – 16 million teŋge kölemınde aiyppūl salyndy.