«EKSPO-2017» halyqaralyq körmesıne 5 million adam keledı dep boljanuda. Onyŋ 85 paiyzy qazaqstandyqtar bolsa, 15 paiyzy – şeteldık qonaqtar. Būl derekter keşe elordada EKSPO körmesıne daiyndyq şaralaryn pysyqtau maqsatynda ūiymdastyrylǧan döŋgelek üstel mäjılısınde belgılı boldy.
Jiyn barysynda «Astana EKSPO-2017» ūlttyq kompaniiasy basqarma töraǧasynyŋ orynbasary Erbol Şormanov söz söilep, halyqaralyq şara biletterınıŋ satylu körsetkışıne toqtaldy.
– 10 mausym künı körmenıŋ biletterın onlain-satylymǧa şyǧardyq. Bügınde 5204 bilet satyldy, onyŋ 10 paiyzy – şeteldıkter tarapynan. Turistık saladaǧy subektılerdıŋ EKSPO körmesıne degen qyzyǧuşylyǧy quantady. Olar 10 şıldeden, iaǧni, resellerler men turoperatorlarǧa arnalǧan promo-kezeŋnıŋ aşyluynan bastap 200 myŋnan asa bilettı satyp aluǧa niettı, – dedı töraǧa orynbasary.
Sonymen qosa, atalmyş kompaniia ökılı ırı şeteldık turoperatorlarmen bırge maŋyzdy jūmystar atqarylyp jatqandyǧyn mälımdedı. Qazırgı uaqytta türlı memlekettegı turoperatorlarmen 30 şaqty kelısımşartqa qol qoiylǧan. Būdan bölek, EKSPO körmesınıŋ turpaketterın nasihattauǧa 50-ge juyq otandyq turistık agenttık te tartylypty.
Esterıŋızge salsaq, EKSPO biletterı satylymǧa bırtındep şyǧarylady. Biylǧy 10 mausym men 10 şılde aralyǧyndaǧy promo-kezeŋde biletterdı eŋ tömen baǧada satyp aluǧa mümkındık bar. Mäselen, 10-20 mausym aralyǧynda 50 paiyz, 21-30 mausym aralyǧynda 30 paiyz, 1-10 şılde aralyǧynda 20 paiyz jeŋıldıkpen bilet satyp aluǧa bolady. 10 şıldeden 10 tamyzǧa deiın turoperatorlar men resellerler üşın promo-kezeŋ ötedı. Al 1 qyrküiekte bükıl Qazaqstan boiynşa oflain-kassalar aşylady. Jalpy, biletter osy jyl boiy jäne 2017 jyldyŋ 9 mausymyna deiın satylady.
Aitpaqşy, EKSPO tarihynda alǧaş ret biletter baǧasy edäuır tömendegen. Astanadaǧy körmege kıru qūny jeŋıldıksız eseptegennıŋ özınde 4 myŋ teŋge men 8 myŋ teŋgenıŋ aralyǧynda bolsa, kezınde Milanda 39 eurodan, Şanhaida 21 eurodan bastalypty. Tıptı, däl osy sätte Antaliiada ötıp jatqan taqyryptyq körmege bas sūǧu 21 dollar tūrady. Sondyqtan, mūndai tiımdı ūsynysty qūr jıberuge äste bolmas. Mūnymen qatar, 6 jasqa deiıngı balalar, jetım nemese ata-ana qamqorlyǧynsyz qalǧan büldırşınder, mümkındıgı şekteulı jandar jäne Ūly Otan soǧysynyŋ maidangerlerı «EKSPO-2017» şarasyn tegın tamaşalaidy. Oquşylar men studentterge, zeinetkerlerge, köp balaly analarǧa jeŋıldıkter qarastyrylǧan.
Botagöz MARATQYZY
