Astanadan su tasqynynan zardap şekken öŋırlerge 1 myŋ tonnaǧa juyq gumanitarlyq kömek jıberıldı, dep habarlaidy astana-akshamy.kz
«AMANAT» partiiasy Astana qalalyq filialynan Batys Qazaqstan oblysyna 20 tonnadan astam kezektı gumanitarlyq kömek jöneltıldı.
«Tabiǧi apattan zardap şekken azamattarǧa «AMANAT» partiiasynyŋ är oblystaǧy filialy özınıŋ şama şarqynşa kömektesıp jatyr. Mäjılıs deputtary, partiianyŋ beldı azamattary, «Jastar ruhy» jastar qanatynyŋ qyz-jıgıtterı el arasynda jür. Ärqaisysy öz deŋgeiınde tiıstı şaralardy qabyldap, azamattardyŋ iyǧyna tüsken auyrpalyqty qatar eŋserıp keledı», – deidı «AMANAT» partiiasy Astana qalalyq filialynyŋ Atqaruşy hatşysy Mūhammed Bolysbek.
Jük kölıgıne tūrmystyq jäne gigienalyq zattar, motorly qaiyq, qap, kürek, su, etık jäne taǧy basqa qajet zattar tieldı.
Gumanitarlyq kömek jinau jalǧasyp jatyr. Būǧan deiın partiianyŋ elordalyq filialy qala äkımdıgımen, mäslihat deputattarymen, Bastauyş partiia ūiymdarymen, şaǧyn, orta jäne ırı käsıp ökılderımen bırlesıp Qostanai, Batys Qazaqstan, Aqtöbe oblystaryna gumanitarlyq kömek jıbergenın esterıŋızge sala keteiık.
Sonymen qatar, elordalyq Qazaqstan halqy Assambleiasy Dostyq üiınıŋ bazasynda su tasqynynan zardap şekken öŋırlerdıŋ tūrǧyndary üşın gumanitarlyq kömek jinau boiynşa äleumettık aksiia ūiymdastyrdy. Kömek Aqmola jäne Qaraǧandy oblystarynyŋ tūrǧyndaryna jetkızıldı. Zardap şekkenderge kiım, tamaq, gigiena qūraldary, tösek-oryn, ydys-aiaq jäne därı-därmekter jinaldy.
Esterıŋızge sala keteiık, elordada gumanitarlyq kömektı qabyldaityn 9 punkt jūmys ısteidı, jiynǧa 30-ǧa juyq erıktıler ūiymy qatysady.
Kün saiyn 200-den astam erıktı qajettı zattardy sūryptap jıberedı. Jinalǧan kömektıŋ ışınde kiım, azyq-tülık, gigiena qūraldary men aiaq kiım basty oryn alady.
Erıktıler qarjylyq kömektı qabyldamaidy. Niet bıldıruşıler jinau oryndaryna qajettı zattardy jinap, äkele alady.
