Astanadaǧy tūrmystyq zorlyq-zombylyqtan zardap şekkenderge arnalǧan Daǧdarys ortalyǧynda Otbasy künıne orai arnaiy saltanatty şara öttı.
Oǧan memlekettık organdardyŋ ökılderı, sondai-aq belgılı änşıler, sirk jäne quyrşaq teatrynyŋ ärtısterı men memlekettık «Naz» bi teatrynyŋ bişılerı qatysty.
Astana qalalyq äkımdıgınıŋ «Zorlyq-zombylyq saldarynan qiyn jaǧdaiǧa tap bolǧan adamdarǧa arnalǧan Daǧdarys ortalyǧy» KMM-nıŋ direktory Nūrbol Zūlqarnaevtyŋ aituynşa, bügınde mūnda 7 äiel, 16 bala tūryp jatyr eken. Olarǧa äleumettık qyzmetkerler, psihologtar türlı keŋester berıp, kömek körsetse, balalarmen tärbieşıler ainalysady. Aşylǧanyna üş jyl bolǧan ortalyqtan osy uaqytqa deiın 329 adam pana tapqan eken. Olardyŋ 88 paiyzy otbasyna qaityp oralǧan. Qalǧandary ata-analaryna nemese özderı kelgen aimaqqa qaityp ketedı eken. Būryn ortalyqta tūrǧan äielderdıŋ qaityp oraluy tek tört ret qana bolǧan. Öitkenı, otbasyndaǧy būrynǧy janjal qaita tuyndasa kerek.
Merekelık şarada änşıler än salyp, bişıler bi bilep, sonymen qatar ortalyq tūrǧyndaryna otbasy jyluy men baqytyn tıledı.
Meŋdolla NŪRYMŪLY
