«Ūlttyŋ saulyǧy – eldiŋ bolaşaǧy» degendi ünemi aityp jüretin Elbasy N.Nazarbaev būl salaǧa airyqşa nazar audaryp keledi. Tek qana soŋǧy jyldary Astanada zamanaui qūraldarmen jabdyqtalǧan auruhanalar men emhanalar köptep aşyluda. Onda joǧary bilikti mamandar jūmys isteidi. Degenmen, äli de bolsa aurulardyŋ sany azaimai tūr. Emhanalarǧa baratyn adam da köp.
Biyl ükimet dispanserlik eseptegi nauqastarǧa biraz därilerdi tegin bosatatyn boldy. Būl, ärine, ülken kömek. Ol üşin rahmet aitamyz. Qalai bolǧanda da, däriniŋ qadiri men qūnyn auyrǧan adam ǧana biledi. Meniŋşe, osy därilerdi jazyp beru men ony bosatudy äli de jetildiruge bolatyn siiaqty. Keide emdeuşi däriger jazyp bergen däri tegin bosatylatyn därilerdiŋ tiziminde bolmai şyǧady. Mūndai jaǧdaida därihana qyzmetkerleri ony tizimde bar basqa därimen auystyruǧa bolatynyn aitady. Sonda qaisysynyŋ ūsynysyn qabyldarymyzdy bilmei, dal bolamyz. Däriger özinikin dūrys dep esepteidi, al därihana tizimde joq dep därini bosatpaidy.
Mysaly, meniŋ jüregim auyrady. Soǧan şipaly därilerdi tizimge kirgizuge bolmai ma eken nemese däriger tizimde bar därini nege jazyp bermeidi?
Halyqta mynadai söz bar: būryn därihana därigerge qyzmet jasaityn, al, qazir kerisinşe. Būdan keiin osy halyqtyŋ aityp jürgeni dūrys şyǧar degen oiǧa kelesiŋ.
Onymen qosa är jyldyŋ basynda bir-eki ai tiisti däriŋdi «äli tizim joq» degen syltaumen bosatpaidy. Amalsyzdan bir qorabyn satyp alasyŋ. Sosyn jartysy paidalanylmai, üiiŋdegi «kişkentai därihanaŋda» bostan-bosqa jatady. Osyndai artyq därilerdi ärbir üiden kezdestiruge bolady. Därihana nege adamǧa qanşa kerek bolsa, sonşa bosata almaidy? Eger de elimiz boiynşa därilerdi tūtynu esebin jürgizetin bolsa, meniŋ oiymşa, satylǧan därilerdiŋ keminde törtten bir böligi paidalanylmai qalatynyn anyqtar edi. Būl degeniŋiz – ülken qarjy, onymen qosa, emdeluşiniŋ bosqa jibergen aqşasy. Äsirese, jekemenşik därihanalar därini bizneske, aqşa tabu qūralyna ainaldyrǧan. Biz qarjy jaǧynan bai eldiŋ qataryna jatpaimyz ǧoi. Ükimet te, emdeluşi de qarjysyn ünemdi paidalanǧany dūrys şyǧar. Ükimet pen Densaulyq saqtau ministrligi osy jaǧyna köbirek köŋil bölse, bärimiz de ūtar edik.
Erkin DÄUEŞŪLY,
qala tūrǧyny
