Soǧys jyldary bır bozbalalar qaru asynyp, maidanǧa attansa, endı bırı örımdei kezınen tylda jūmys ıstep, jeŋıstı jaqyndatuǧa üles qosty. Sondai tyl ardagerlerı – Ramazan Esmaǧambetov pen Kärım Sadyqov.
Ramazan Esmaǧambetov 1934 jyly 21 qaraşada Soltüstık Qazaqstan oblysynda düniege kelgen. 1958 jyly Äl-farabi atyndaǧy (būrynǧa Kirov) Qazaq memlekettık universitetınıŋ zaŋ fakultetın bıtırgen. 1968-1974 jyldary Soltüstık Qazaqstan oblystyq sotynyŋ müşesı. 1974 jyly Atyrau (būrynǧy Gurev) oblystyq sotynyŋ töraǧasynyŋ orynbasary bolyp taǧaiyndalǧan. 1976 jyly Qazaq KSR Joǧarǧy Sotynyŋ alqa müşesı, 1981 jyly Qazaq KSR Joǧarǧy Keŋesı Prezidiumynyŋ raqymşylyq departamentınıŋ basşysy bolǧan. 1986 jyldan Qazaqstan Respublikasy Joǧarǧy Sotynyŋ alqa müşesı. 1996 jyly sot salasynan qūrmettı demalysqa şyqqan.
Ol kısı «Tyŋ jäne tyŋaiǧan jerlerdı igeru üşın», «Ūly Otan soǧysyndaǧy eren eŋbegı üşın», «Eŋbek ardagerı», «Ūly Otan soǧysyndaǧy Jeŋıstıŋ qyryq jyldyǧy», «Jeŋıstıŋ elu jyldyǧy», «Jeŋıstıŋ 60 jyldyǧy», «Sot jüiesınıŋ ardagerı» medaldarymen jäne 1996 jyly Qazaq KSR Joǧarǧy Keŋesınıŋ Prezidiumynyŋ Qūrmet gramotasymen marapattalǧan.
Qariia Ramazan Esmaǧambetūly biyl 82 jasqa şyqty. Ol kısınıŋ ǧibratty sözınen täuelsızdıktı baǧalau, elge adal, ärı qorǧan, el bilegen Elbasyna adal bolu bızdıŋ paryzymyz ekenın ūqtyq.
Bız «ata Sızdıŋ armanyŋyz bar ma, ne armandaisyz, şetel aralap, dünienıŋ keremetın körgıŋız kele me?» dep sūradyq. «Qaraǧym-ai, menıŋ bar bailyǧym, baqytym – tuǧan halqym, Otannyŋ tynyştyǧy. Baqyt bailyqpen ölşenbeidı. Adal eŋbegımnıŋ jemısın, beinettıŋ zeinetın, nemerelerımnıŋ qyzyǧyn, eldıŋ baqytty ömırın köruden artyq arman bola ma?» dedı. Jeŋıstı jaqyndatu üşın jan aiamai ter tökken, elımızdıŋ berık qorǧany bolǧan ardagerlerımızdıŋ aldynda bügıngı ūrpaq mäŋgı qaryzdar.
Taǧy bır qazynaly qariialarymyzdyŋ bırı – Kärım Sadyqov. 1928 jyly Kökşetaudyŋ Burabai qalasynda düniege kelgen Kärım aqsaqal biyl 88 jasqa şyqty. 1967 jyly Qorǧaljyn audandyq halyq sotyna müşe bolyp taǧaiyndalyp, 1990 jyly däl osy sottan zeinetke şyqqan.
Tyl ardagerlerı maŋdaidan ter töktı, joqşylyqtyŋ zardabyn tartty, talai ana men balanyŋ köz jasyn kördı, qasıretten közderı jasqa, jandary azapqa tüstı.
4 jyl! 1418 kün men tün. 34 000 myŋ saǧat. 20 millonnan astam adamnyŋ öşken ömırı. Bız üşın ardagerlerımızdıŋ jeŋıs jolyndaǧy erlıgı batyldyqtyŋ, asqaq qaharmandyqtyŋ ölşemı bolyp qala bermek.
Bügıngı mamyrajai beibıt ömır erlıkpen el qorǧaǧan osy qariialarymyzdyŋ arqasy. Ömır ötkelderınen qaiyspai, bar qiyndyqty jeŋe bılgen ata-äjelerımızdıŋ şejırelı ömır joly bügıngı ūrpaqqa ülgı önege, Otanǧa degen adaldyqtyŋ, halqyna degen qūrmettıŋ biık ölşemı bolyp qala bermek.
Qymbat TOQTAMŪRAT
