2022 jyldyŋ qazan aiynda elordada halyqaralyq standarttarǧa tolyqtai sai keletın «Arǧymaq» at sporty keşenı aşyldy. Elordanyŋ Kommunikasiialar qyzmetınde ötken brifingte Astana qalasy Dene şynyqtyru jäne sport basqarmasy basşysynyŋ orynbasary m.a. Azamat Aǧzamov keşennıŋ jūmysy turaly aitty, dep habarlaidy astana-akshamy.kz
«Arǧymaq» keşenı Astananyŋ ortalyǧynan 15-20 minuttyq jerde ornalasqan. Būl oryn öte yŋǧaily, jylqylardyŋ tynyştyǧy üşın de maŋyzdy. Onyŋ qalaǧa jaqyn boluy da keluşılerge yŋǧaily. «Keşen aumaǧynda üş at qorasy bar, onda jylqy ūstauǧa qajet barlyq jaǧdai jasalǧan.
«Arǧymaq» keşenınıŋ erekşelıgı – kez kelgen deŋgeide at sporty jarystaryn ötkızuge mümkındık beretın sport nysandarynyŋ boluy. Sondai-aq, sporttyq-sauyqtyru şaralaryn, onyŋ ışınde mümkındıgı şekteulı jandarǧa arnalǧan ippoterapiiany ūiymdastyru jäne ötkızu boiynşa keşennıŋ respublikada teŋdesı joq. Bır sözben aitqanda, «Arǧymaq» – Qazaqstandaǧy eŋ ırı köpsalaly at sporty keşenı», – dedı Aǧzamov.
Nysan emdeu-sauyqtyru jūmyyn (ippoterapiia) jürgızuge arnalǧan, sonymen qatar balalar men eresekterge atqa mınudı üiretedı, sporttyq, būqaralyq sporttyq jäne oiyn-sauyq şaralaryn ūiymdastyrady. Mūnda 20 jylqy bar, onyŋ 10-y sauyqtyru şaralaryna belsene qatysady. Är jylqy künıne ekı saǧat ippoterapiiamen ainalysady.
Aita keteiık, ötken jyly Astanada ippoterapiialyq oŋaltu qolǧa alynǧan bolatyn. Pilottyq jobanyŋ üş aiynda 72 bala emdeldı. Qazır mūnda 40-tan astam bala tūraqty keledı.
Erekşe qajettılıkterı bar balalarǧa arnalǧan oŋaltu sabaqtaryn seisenbı jäne beisenbı künderı akkredittelgen ūiymdarda bılım alǧan reabilitolog därıgerler, sondai-aq ippoterapiia salasyndaǧy bılıktı mamandar jürgızedı.
«Arǧymaq» at sporty keşenınıŋ qala tūrǧyndary men qonaqtaryna qoljetımdılıgın qamtamasyz etu maqsatynda arnaiy platforma engızıldı.
