Sätbaev pen Zabikulin eskertkışterın 100-den astam adam tazartty, dep habarlaidy astana-akshamy.kz
Elordada «Taza Qazaqstan: Astana – tazalyq pen tärtıptıŋ ülgısı» atty auqymdy ekologiialyq aksiiasy ötıp jatyr. Būl apta «Kielı meken» ūranymen ötıp, tarih jäne mädeniet eskertkışterınıŋ aumaǧyn abattandyruǧa arnalǧan. Qalanyŋ körıktı nysandaryn abattandyruǧa tūrǧyndar, mäslihat deputattary, oquşylar men studentter, mädeniet ūiymdarynyŋ qyzmetkerlerı jäne t.b. atsalysuda.
Osylaişa, Qanyş Sätbaevtyŋ eskertkışın tazartu jäne onyŋ maŋyndaǧy qoqystardy şyǧaru üşın aksiiaǧa 100-den astam adam şyqty.
«Bügın qala jastarymen bırge Qanyş Sätbaevtyŋ eskertkışın tazarttyq. Ärkım özınıŋ artynan jinauy kerek. Sebebı, qoqys tastamaityn jer qaşanda taza bolady. Ekologiialyq aksiialardyŋ bärıne atsalysyp, jastardy ekologiialyq mädenietke degen süiıspenşılıkke tärbieleu maŋyzdy», – dedı Astana qalasy mäslihatynyŋ deputaty Arslanbek Maǧzūm.
Aita keterlık taǧy bır jait, aksiiaǧa Mädeniet basqarmasyna qarasty mekemeler nemese qūrmetıne eskertkış ornatylǧan belgılı tūlǧanyŋ salasymen baǧyttas mekemeler jūmyldyrylyp otyr. Soǧan säikes, Asqar Zabikulinnıŋ eskertkışı aumaǧyna «Äzırbaijan Mämbetov atyndaǧy memlekettık drama jäne komediia teatry» ūjymy men №6 mamandandyrylǧan ört söndıru bölımı qyzmetkerlerı tazalyq jürgızdı.
«Osy bölımde 12 jyldan berı qyzmet etemın. Asqar marqūmmen 5 jyl bırge qyzmettes boldyq. Ol – bız üşın naǧyz batyr, erjürek azamat. Öz ısıne adal qyzmetker özgelerdıŋ ömırın qūtqaru üşın öz ömırın tärk ettı. Ärıptesımızdıŋ jarqyn beinesı bızdıŋ mäŋgı esımızde jäne onyŋ erlık ısın jas ūrpaq därıpteitın bolady», – dedı № 6 mamandandyrylǧan ört söndıru bölımınıŋ bölımşe komandirı Saiat Aşirov.
Elordada barlyǧy 100-den astam eskertkış bar. Onyŋ 46-sy memleket qorǧauynda.
«El boiynşa ülken ekologiialyq nauqan bastaldy. Bügıngı taŋda tazalyq onkündıgı aiasynda köşeler, jaiau jürgınşıler joly, qoǧamdyq oryndar men eskertkışter tazartyluda. Qalada 60-qa juyq eskertkış bar, olardy da taza ūstau maŋyzdy. Belsendı tūrǧyndar bas qosyp, qalany abattandyruǧa atsalysty. Elordanyŋ ǧana emes, bükıl elımızdıŋ tazalyǧyn qadaǧalau kerek», – dedı Astana äkımdıgınıŋ «Bırıkken mūrajailar direksiiasy» memlekettık qazynalyq käsıpornynyŋ direktory Sergei Solodovnikov. Esterıŋızge sala keteiık, elımızde «Taza Qazaqstan» respublikalyq ekologiialyq aksiiasy bastaldy. Ol bes aptaǧa sozylady, olardyŋ ärqaisysy belgılı bır taqyrypqa arnalǧan.
Būl apta «Kielı meken» dep atalady.
